حان الآن وقت الكلام
مع ضمير ريح ونام
من غير سلام ولا آذان
حان الآن وقت الكلام
نسينا الحساب نسينا العذاب
نسينا حتى سنة وكتاب
أمتى نفوق ونحس الكلام
عشان نعيش فى حب وسلام
حان الآن وآن الأوان
لتوبة تغنى عن الحرام
حان الآن يرجع زمان
ومعاه حلاوة اللسان
فين الحب والسلام
فين الوقفة مع الجيران
فين العهد والعهود
فين الصدق فى الوعود
فين وفين وفين وفين
فين يا زمن الألفينات
ليه الحلو كله ياخلق مات
دى بتجرى السنين والساعات
فينا اللى عايش فينا اللى مات
بيننا موجة ودوامات
الكل فى طريق الشر فات
وحب القلوب أصبح فتات
ميزان الدنيا مال ومال
فين الحلاوة والجمال
فين اللى قال ده شىء محال
لما الحرام خللوه حلال
فين شطارة أم العيال
فى شد الحزام وقت الصعاب
فين شهامة الرجال
فى الوقفة بجد جنب الصحاب
فين الرضا وراحة البال
فين براءة العيال
نسيو العم، نسيو الخال
ميزان الدنيا يا خلق مال
حتى الخير خللوه خيال
حان الآن وقت السكات
عشان الحب فى القلب مات
وكفاية نعيش ع الذكريات
ورقه وقلم - أرشيفية
لا توجد تعليقات على الخبر
تم أضافة تعليقك سوف يظهر بعد المراجعة