نائب أسيوط: "الدستور أنصفنا والحكومات السبب الحقيقى فى تهميش الصعيد "

قال مديح سيد عمار، عضو مجلس النواب بأسيوط، إن الحكومات هى السبب الحقيقى فى تهميش محافظات الصعيد، مطالبًا الدولة بتوزيع المشروعات على كافة المحافظات بشكل متساوٍ، وتوزيع أراض زراعية على الشباب هناك، لأن نسبة البطالة عالية جدًا وخاصة فى الفترة الأخيرة.


وأضاف مديح، فى تصريحات صحفية: "الدستور أنصفنا مش عاوزين غير نسبتنا اللى ذكرها الدستور، وهى 3% من ميزانية الدولة لتنمية الصعيد، ولو خدنا النسبة دى هنحس بالتنمية الحقيقة، ومعدل الجريمة هيقل، وكمان مش هنلاقى حد من الشاب بيفر إلى القاهرة بحثًا عن الرزق".

وحول منصب رئيس البرلمان القادم قال، "مع كامل احترامى للدكتور توفيق عكاشة، الوحيد اللى أعلن ترشحه لكن المنصب يحتاج إلى خلفية قانونية ودستورية وياريت يكون فقيه دستورى أو قانونى، وكنت أتمنى المستشار عدلى منصور أو الوزير أحمد الزند، وأنا مؤيد تحالف دعم الدولة المصرية؛ لأن البلد محتاجة تقف على رجليها".