صورة تعبيرية ل
"فى رثاء شهداء استاد الدفاع الجوى"
بعد العِشا
هنجيب عَشا
واختك وفاء وولادها
وولاد اختك رشا
مستنياك يا قلبى
فى البيت الجديد
الصوت بيتقطع وانا
قلقان عليه
يمكن يا واد خلص الرصيد
بابا انت فين...؟!!
يا ابنى أنا ..
موجود هنا....
نفس القلق عمّال يزيد
بابا :
اانت سامع صرختى
(الصوت بعيد)
مش باقى حاجة ف بدلتى
محشور ما بين الآخره
والسور الحديد
بابا: انت فين
ادينى ماما كلمتين
سامحينى يا امه من سنين
بتجهزى البيت الجديد
بعد العِشا
واختك رشا
وولادها عند المشرحه
مستنين نعش الشهيد
![هشام فتحى يكتب: بعد العِشا فى المشرحة هشام فتحى يكتب: بعد العِشا فى المشرحة](https://img.youm7.com/large/22015820350.jpg)
مشاركة
اضف تعليقاً واقرأ تعليقات القراء
مشاركة
لا توجد تعليقات على الخبر
تم أضافة تعليقك سوف يظهر بعد المراجعة