كل دى ناس فى الشوارع؟
اللى باسم واللى دامع
واللى بيفكر وماشى
والكلاكس ما ختى سامع
واللى مهزوم جوة نفسه
واللى بيفكر فى أمسه
واللى بيعد الخطاوى
واللى واخداه الحطاوى
والملمع جوة لبسه
واللى ماشى جوة تفسه
تايهه من رجله الخطاوى
والمجعجع واللى صامت
واللى سابقه بخطوة كرشه
واللى بطنه لجوه صامت
واللى دنية عمره عامت
واللى ماشى بالقيامة
واللى ساتراه الغيامة
واللى طايح دبح خلقه
واللى مستنى القيامة
واللى فى المسجد ينادى
كل يوم تظهر علامة
واللى مستنى المُزكِّى
ينفحه حتى ابتسامة
واللى قال الدنيا سيركى
واللى عنى قام يدافع
واللى يضربنى بمدافع
واللى صوت الحق عنده
أعلى من صوت المدافع
والمحشش والمدندش والمروِّش
والمقاتل والمصارع
كل دى ناس فى الشوارع
تم أضافة تعليقك سوف يظهر بعد المراجعة