يا ست يللى شايله الحمول أشكال
وكتافك المحنية بتعزف الموال
يا صابرة بقلب راضى ويحق لك تمثال
والحب إتربى فيكى ولأجلك بقيت زجال
دبت خطاكى تحير فى الأرض كل مكان
إزاى كده محنية وبتمشى بالأميال
ثابتة عظيمة قوية ومضحكانا كمان
لامانا ع الطبلية ومطبقة القمصان
ودمعتنا المدارية بتعرفيها تمام
بطرف توبك يمه بتمسحيها أوام
وبكل ما فيكى ضمه بتلملمى الأحلام
أرجع أشد الهمة والحال أهو بقى عال
![دعاء عبد الله تكتب: طرف توبك يامّا دعاء عبد الله تكتب: طرف توبك يامّا](https://img.youm7.com/large/620159213137230.jpg)
مشاركة
اضف تعليقاً واقرأ تعليقات القراء
مشاركة