مرتضى منصور مستنكرا الهجوم على مجلس النواب:"اللى هيقل أدبه هياخد بالجزمة"

رفض مرتضى منصور، عضو مجلس النواب، هجوم بعض الإعلاميين على أداء مجلس النواب فى جلسته الأولى، مشدداً على ضرورة احترام هيبة المجلس ووقاره.

وقال مرتضى، خلال تصريحاته لبرنامج "اللعبة الحلوة" مع خالد الغندور: "أى عيل أو عيلة صايعة أياً كان هياخد بالجزمة، المجلس ده جاى من غير تزوير، والنهاردة فى مذيعة مجنونة قالت "خلاه يقول القسم غصب عنه"، أقول لها لا ياحبيبتى ما أجبرنيش ورحمة محمود محى الدين ما أجبرنيش، وحياة رشا ما أجبرنيش، وكفاية عليكى كده النهاردة، وواحد تانى بيقول على المجلس ده سرك، أقول له لا ياحبيبى السيرك ده فى بيتكم".

وأضاف: "انتباه ياهانم، ياللى كنتى بتجرى ورا جمال مبارك وتفضلى تقوليله يا جمال بيه، يالى مش عجبك إن 25 يناير مؤامرة طيب مانتى كنتى من أنصار مباراك وكانوا مشغلينك فى التليفزيون المصرى، والأفندى اللى عمال يصغرلى فى بؤه كل شوية، اقولكم احترموا نفسكم واحترموا المجلس".

موضوعات متعلقة..

محمد غنيم لـ"مرتضى منصور":"25 يناير" أنتجت ثورة 30 يونيو والبرلمان الحالى


"اليوم السابع" يرصد كواليس البهو الفرعونى.. تربيطات المرشحين على منصب الرئيس والوكيلين.. ونائب بـ"دعم مصر" يقود حملة لإسقاط زميله.. و"قسم مرتضى" يسيطر على مناقشات النواب.. ونواب"النور" فى جزيرة منعزلة