كشف اللواء محمد على مصيلحى وزير التموين، عن حوار دار بينه وبين رجب شحاتة كبير تجار الأرز، خلال كلمته فى اجتماع لجنة الزراعة بالبرلمان المنعقد الآن برئاسة النائب هشام الشعينى، موضحاً، : " لما حصلت أزمة الأرز سألت عن الكبير بتاعهم، فجالى الحاج رجب شحاته كبير تجار الأزر وقالى استورد وسيبك منهم طالما مش عاوزين يدوك الرز استورد".
وأكمل "مصيلحى" خلال كلمته فى اجتماع اللجنة، الحوار، الذى دار بينه وبين "شحاتة" قائلاً، : " قولتله قولهم ميصحش ، دا من السلع اللى المفروض يبقى فيها فائض، والمفروض نصدر كمان، قالى احنا عرفنا إن التجار مش هيوردوا ليكوا، علشان عندهم سوابق معاكم ، السلعة بتغلى بعد ما بيدوكوا المحصول".
وتابع : " أنا عاوز أوصل الأرز للمواطن فى التموين، عاوز أوصل إن الكيلو يبقى بـ 4.5، وانتوا كنواب بتضغطوا علينا، لكن ساعدونا، وبعدين لما أطلب رفع الغرامات، يقولولى هما أصلا جابولك رز علشان تتكلم، وما ننساش إن السعر اللى حطاه لجنة الزراعة".
وأضاف الوزير فى رسالة للتجار والمزارعين، : " ليه نستخسر الأرز فى المواطن المصرى، علشان 100 جنيه زيادة، اعتبروا الجزء اللى رايح لبطاقات التموين هو الزكاة عن المحصول، لكن نفاجئ إن الأرز بيروح للخارج، أنا مقداميش حل غير إنى أستورد، والحقيقة جالنا كمية من الهند، أرز بجودة عالية، أرز بسمتى وموجود على مكتبى".
عدد الردود 0
بواسطة:
عمرو رضا
استيراد الرز
يعنى لما تستورد الطن ب 400 دولار يعنى 4000 جنيه احسن و لا لما تدى الفلاح 3000 جنيه أوفر و بالمصري و الفلاح أولى من الخارج وتوفر العملة الصعبة بس نقول ايه مافيش ناس بتفكر علقيه متخلفه.
عدد الردود 0
بواسطة:
Yasin
!!!!
الحقيقة حكومة فاشلة ....بقي التجار هما اللي بيتحكموا و بيحركوا الحكومة!!!! دة معناه؟ انها حكومة فاشلة
عدد الردود 0
بواسطة:
الاسكندراني
**
....أحيه...أحيه...وكمان أحيه....!!!!!!!!!!!!!!!!!!!
عدد الردود 0
بواسطة:
عمرو
طب وليه ما تديهمش انت الـ 100 جنيه الزيادة؟
طب وليه ما تديهمش انت الـ 100 جنيه الزيادة؟ وخصوصاً ان 100 جنيه للطن يعني "بريزة" في الكيلو !!! طالما دي اللي هاتحل الأزمة؟ وليه أصلاً قصة توريد المحاصيل للحكومة اللي عفا عليها الزمن دي؟ ما تمشيها بآليات السوق .. شركات وتجار قطاع خاص وياخدوا من الفلاحين بسعر السوق.
عدد الردود 0
بواسطة:
احمد
الاهتمام بالفلاح
يعني اظن دعم الفلاح وشراء الارز مباشر منه افضل من الشراء من التجار لانهم محتكرين وطماعين
عدد الردود 0
بواسطة:
عاشق تراب مصر
سيادة الرئيس عبد الفتاح السيسى
المنى تصريح السيد اللواء وزير التموين مع الحاج رجب شحاتة اكبر تجار الارز الذى قال للسيد الوزير استورد الارز وسيبك مننا . هل هذا منطق؟؟؟ هل تترك الدولة المصرية محصول الارز الذى من المفترض وجود فائض منة عن حاجة المواطن المصرى يخصص للتصدير مما يعود على الخزانة العامة المصرية بالنقد الاجنبى؟؟ كيف تسمح الدولة لقلة من التجار احتكار الارز ورفع سعرة على المواطن الفقيركيفما شاءوا والباقى يتم تهريبة للسودان برشوة العاملين فى المنافذ الجمركية بين البلدين وهذا الامر معروف للجميع؟؟؟. ولماذا لم تتدخل الدولة لايقاف هذة المهزلة؟؟. سيدى الرئيس الدولة المصرية هى التى تحدد مساحات الارز التى تزرع والدولة المصرية هى من توفر المياة لزراعة الارز والدولة المصرية هى من توفر الاسمدة المدعمة للفلاح الذى يزرع الارز. هل يعقل ان تترك الدولة المحصول فى النهاية لقلة من التجار يتاجرون بغذاء المواطن الفقير ويبيعونة باى اسعار يريدون ؟؟؟ وهل تتحايل الدولة على التجار وتتطالبهم بان يخرجو زكاة للشعب المصرى بتوفير الارز بالسعر الرسمى؟؟؟. سيدى الرئيس من اهم مبادئ ثورة يوليو القضاء على كل اشكال الاحتكار ام نسينا ذلك؟؟؟. يجب ان تتدخل الدولة المصرية بيد من حديد للسيطرة على محصول الارز . بحظر التعامل فية لغير الدولة ونقل الكميات لدى التجار لمخازن الدولة الان وفورا مع دفع قيمته الرسمية للتجار هذا الموسم فقط واعتبارا من الموسم القادم يتم تجريم حيازتة على التجار وحصر التعامل فية على الدولة التى تغذى السوق ( تموين وتجار تجزئة ) بمعرفتها . والتعامل مع المزارعين بنظام الزراعة التعاقدية بان يتم توريد المحصول اجباريا للدولة التى تفرض لة اسعار عادلة تمكن المزارع من الربح بالقدر المعقول . وبذلك نوفر قيمة النقد اللازم للتصدير بل نصدر الفائض للخارج ليكون احد مصادر النقد الاجنبى. سيدى الرئيس مطلوب تدخلك شخصيا لان غذاء المواطن هو مسؤليتك الاولى امام الله. نرجو التدخل القوى من سيادتكم ضد احتكار التجار الفاسدين الجشعين.
عدد الردود 0
بواسطة:
عبير
رفقا بالفلاح
ياريت تاخدوا بالكم من الفلاح عشان هو تعبان