من لم يمت بالتعليم.. مات بغيره
وكأن الإصابة بالتسمم من المناهج، ومن محدودية عقول المدرسين والمسؤولين عن وزارة التربية والتعليم، ليس كافيًا، أصيب 50 تلميذًا بالمرحلة الابتدائية بالتسمم فى مدرسة سالم الزينى الابتدائية بقرية كوم القناطر التابعة لمركز أبو حمص بالبحيرة، بسبب وجبات مدرسية فاسدة، يعنى حضرتك وأنت بتبعت ابنك المدرسة متعرفش المصيبة جاياله منين، وما تضمنش أصلًا يرجع لك ولا لأ، وللأسف مفيش أى أمل، ولا أى حاجة تقدر أنت أو غيرك تعملها، خلى أمه تدعيله.
ربنا يزيد رزق الحملات الأمنية
حملة أمنية مفاجئة بالبحيرة تسفر عن ضبط 15 شخصًا بحوزتهم أسلحة ومخدرات، و177 متهمًا هاربين من تنفيذ 1560 حكمًا قضائيًا بالحبس، و2214 مخالفة مرورية ورفع 423 إشغالات ثابتة ومتحركة، اللهم صلى ع النبى، كل ده فى حملة واحدة، وبالصدفة، إيه ده، ده لو ماشيين فى زنزانة مش هيلاقوا كمية الإجرام ده كله، ربنا يكون فى عون الـ17 بنى آدم المحترمين الباقيين فى مصر.
عدد الردود 0
بواسطة:
الكاتب احمد المالح
التفاؤل والتشاؤم
فيه ايه ياحاج محمد انت رجعت للحالة الأولى بتاعة الاكتئاب .ايوة فيه حوادث فردية وفيه تسمم ويجب محاسبة المقصرين بشدة خاصة فى مجال التغذية الذى يعتبر الاهم تعليميا حيث يرتبط بارواح ابنائنا وبناتنا .فالمناهج والتعليم العام بتتقضى فى الدروس اما التسمم فهو امر خطير يجب معاقبة المسئولين بشدة .ولكننا يجب ان نبحث فى اسباب الموضوع ومن المستفيد من هذه الأطعمة الفاسدة .. واختلف معك فى كمية الاجرام وان كانت موجودة وبكثرة الا ان مصر ما زال نيلها الطيب يجرى