أعلن المخرج عمرو سلامة، الانتهاء من المرحلة الأولى من تصوير فيلم الشيخ جاكسون، مقدما الشكر للفنان أحمد الفيشاوى ومتوقعا أداء مميزا له.
وقال سلامة، عبر صفحته الرسمية على فيس بوك: "خلصنا أخيراً تصوير أول مرحلة من فيلم الشيخ جاكسون، عشان الفيلم بيتصور على مرحلتين، وهنبدأ فى التحضير للمرحلة الثانية، وكان أخر يوم لتصوير دور أحمد الفيشاوى، بحب أشكره على حسن تعاونه معنا، وأتوقع بشدة أنه هايكون فخور جدا بالدور اللى عمله، عامل دور مبهر وفوق مستوى توقعات الجميع".
وأضاف سلامة: "بشكر الممثلين اللى خلصوا أدوارهم وهاشكر الجميع بعد الفركش الكبير، ولما نخلص الفيلم كله على خير، عشان يبقى شكر من القلب".
عمرو سلامة على فيس بوك
الشيخ جاكسون من إخراج وتأليف عمرو سلامة، ويقوم ببطولته أحمد الفيشاوى، ويشاركه فى البطولة ماجد الكدوانى، أحمد مالك، أمينة خليل، بالإضافة إلى ضيوف الشرف درة، بسمة ومحمود البزاوى، وتتعاون فى إنتاج الفيلم شركات The Producers، فيلم كلينك والماسة.
