بالفيديو والصور.. مبروك عطية: "اللى بيقول هنهدى الرسول مليون صلاة هيخش النار"

قال الداعية الإسلامى الشيخ مبروك عطية، إن العالم الآن يرى الدنيا كرب ومؤامرات مخططة؛ لأنه لم يراها بعين النبى صل الله عليه وسلم، مضيفا: "النبى لما كان حد بيطلب منه شعير كان بيديله، مش يقول منين أجبلك شعير أنا روحت أجيب شعير حبسونى وحبسوه، زى اليومين دول".

وأضاف عطية، بكلمته خلال احتفالية كلية دار علوم جامعة القاهرة، بالمولد النبوى الشريف، اليوم، الأحد، أن هناك بعض الأدعية والأقوال المسيئة لله نقولها يوميا، مؤكدا أنه من بين هذه الأقوال "أسعى يا عبد وأنا أسعى معاك"، قائلا: "ربنا مش ساعى معاك هتخشوا النار بالحاجات دى، والناس بتبعتلى تقول لى هنهدى الرسول مليون صلاة، رسول مين اللى تهديله ده انتوا هتخشوا النار بالكلام ده".

وأشار الداعية الإسلامى، إلى أن إفزاع المسلم للمسلم حرام شراعا سواء كان على سبيل الدعابة أو الجد، قائلا: "اللى يخبى الموبيل بتاع زميله وهو بيهزر حرام شرعا"، موضحا أن الرسول صل الله عليه وسلم، كان يداوى من يسىء إليه بالحسنى وتعويضه ماديا ومعنويا، أما الآن: "فلدينا نساء وفتيات بيضربوا بالجزم، وجوزها مبيجبلهاش أيس كريم حتى".