مسمط حبايب الفراعنة
المصرى معروف بجبروته آه، بس مش للدرجة دى، والفشة والكرشة جميلة آه، بس مش لدرجة إننا نقطعها على حجر أثرى، عمره 2300 سنة، من عهد بطليموس حاكم مصر بعد الإسكندر الأكبر، كتير كده، الحجر المسكين بقاله 15 سنة بيتقطع عليه لحمة راس وكوارع يا مؤمن فى المحلة، والصدفة البحتة خلت موظفة آثار تشوفه وهى بتشترى لحمة لبيتها، وتتعرف عليه، عاوز تضحك أكتر؟ بعد ما المسؤولين عرفوا إنه حجر أثرى عملوا إيه؟ بعتوا له «لودر»، أيوه لودر، رفعه من ع الأرض ونقله، وهى دى مصر.
رجعت الشتوية
كل سنة وحضرتك طيب، الشتا لسه بادئ، الأربع 21 ديسمبر، الله ؟! طب كل البرد اللى كان قبل كده مين اللى هيحاسب عليه؟ بسيطة، مجتش ع البرد يعنى، ربنا يرحم كل اللى مرميين فى الشوارع وتحت الكبارى فى البرد ده، المهم انت دفى نفسك كويس، مصر كلها عيانة وعندها برد، ودفى ولادك، ربنا يجعلها أيام جميلة، وتعدى على مصر والمصريين بسلام وأمان.
عدد الردود 0
بواسطة:
kero wolf
انت برنس D:
:'D مسمط حبايب الفراعنة.. صدقني بقرالك انت بس
عدد الردود 0
بواسطة:
Romany Azazy
انت شربات يا عزب
تصدق انا باستنى مقالك كل يوم وانا عارف اني هلاقي فيه ابداع اكتر من اليوم اللي قبله، انت موهوب جدا وملكش حل وبتعرف ازاي توظف اللي بيحصل في البلد بشكل ساخر، صدقني باقرا المقال بتاعك كل يوم اكتر من 4 مرات ربنا يوفقك