جيهان فاضل فى عيد ميلادها: المجد لـ"فلان الفلانى" اللى خد رصاصة مكانى

احتفلت الفنانة جيهان فاضل، بعيد ميلادها، اليوم الجمعة، حيث كتبت عبر حسابها الشخصى، على موقع "فيس بوك"، إنها تدين بحياتها لـ"فلان الفلانى" وهو الشخص الذى لا تعرفه الذى تلقى رصاصة بدلا منها أثناء الثورة.

وأضافت قائلةً: "النهاردة عيد ميلادى.. النهاردة أنا موجودة وسط أولادى علشان فى يوم ما، فى لحظة فارقة، فلان الفلانى اللى معرفش اسمه قرر أن حياتى أهم من حياته، فزقنى وخد رصاصة بدالى".

وتابعت جيهان فاضل: "ناس كتير كانوا بيضايقوا مننا لما بنقول ثورتنا واللى منزلش الميدان مش حيفهم.. مش إحساس بالأهمية ولا ادعاء بطولة.. هو علشان كل واحد مننا بيدين بحياته لفلان الفلانى".

واختتمت قائلة: "إحنا بنصحى كل يوم مش عارفين بعد ربنا نشكر مين.. فبنشكر ربنا على ثورتنا اللى صنعت أبطال مجهولين وبنفكر بعضنا أن كان فيه ثورة جمعتنا على حلم.. وكان فيه فلان الفلانى اللى ضحى بحياته علشان حلم بعيش وحرية وعدالة.. المجد لفلان الفلانى.. المجد للمجهولين".

موضوعات متعلقة..

- رواد فيس بوك يتداولون "جيهان فاضل أم أحمد مالك".. وفنانون: "مش أمه"