وزارة الخطف الجميل

وزارة الخطف الجميل

وزير السياحة يحيى راشد، قال إن اختطاف الطائرة كان إيجابيًا جدًا وأوصل عدة رسائل مهمة للعالم.
الله ينور يا سيادة الوزير، والحمد لله كلها رسائل رومانسية وورود وقلوب، ووسائل جذب للسياح، ويا ريت نطلع مع كل طيارة مختطف كيوت لجذب السياح.

هو أنت يا أخى؟!

هو أنت أى مصيبة فساد وسرقة تطلع طرف فيها أنت وولادك؟ إيه؟! دولى؟! العمر بيشطب، والحساب ع الأبواب، وثائق بنما تكشف فساد عائلة مبارك، القضاء المصرى يحكم بالسرقة على عائلة مبارك، أم حسين تشكو من سرقة عائلة مبارك، بتعملوا إيه بالفلوس دى كلها.

سيبولنا أى حاجة

يقول محمد منير: «الفرصة بنت جميلة.. راكبة عجلة ببدال».. وتقول وزيرة الاستثمار: «هنخلى المستثمر يتجوز الفرصة ويخلف منها كمان من أجل دعم الاستثمار والنهوض به»، حتى الفرصة هتجوزوها للمستثمرين بس؟.. وهتخلوهم يخلفوا منها؟ وإحنا نعمل إيه؟.. نتحرش بيها؟!.