شعب بيفرح بـ«قليله»
إحنا غلابة قوى يا سيد، وأقل حاجة بتفرحنا، شوف مثلا خبر صغير، بمبلغ صغير زى ده، ممكن يخلى ناس قد إيه تتشقلب من الفرحة، لجنة الاقتراحات بالبرلمان توافق على قانون يمنح الطفل المعاق 500 جنيه معاشا شهريا، بزيادة 100 جنيه سنويا حتى بلوغ 21 سنة، شكرا للبرلمان وللدولة على ترك فتافيت الكحكة للفقراء، اللهم زد لهم فى كحكتهم، ولا تحرمنا فتافيتهم.
الصمت حرام على الفساد
لماذا لا تفكر الحكومة فى محاسبة ومعاقبة المقصرين، من صغار الموظفين إلى كبارهم؟ فسر أزمات وفساد وفشل البلد ككل يكمن فى العبارة المشهورة «شغل موظفين» أو «شغل حكومة»، فى كل مؤسسات وهيئات الدولة والمحافظات والأحياء، دولة الفساد والإهمال العتيقة تضرب بجذورها فى كل شىء، ومن أمن العقوبة سرق وفسد وأهمل واستحق لقب موظف حكومة.. للأسف يبدو الكلام- من فرط فساد الدولة- ساذجا، ولكن الصمت حرام شرعا.
