واصل فريق الكرة بالزمالك الانتصارات بفوز هام على إنيمبا النيجيرى وتأهل لنصف نهائى دورى الأبطال الأفريقى بجدارة، مؤكدا أنه كبير الكرة المصرية الجديد بعد خروج الأهلى من البطولة وسبقه إنبى والمقاصة فى الكونفدرالية.
الزمالك فاز منذ أيام قليلة على غريمه الأهلى بثلاثية مثيرة، وفاز بلقب كأس مصر، وبات الأقرب للفوز باللقب الأفريقى ليس لأنه فاز فى مباراة أو اثنين وليس لأنه يضم نجوم موهوبة تتفوق على المنافسين لكن لأنه يمتلك لاعبين يتحلون بسلاح الروح والعزيمة والرغبة فى الفوز فى كل مباراة، وطبيعى ان يعود الأبيض كبيرا مرعبا للمنافسين فى الداخل والخارج.
الزمالك أطاح بنصف الفريق فى الانتقالات الصيفية الأخيرة رغم أنها كلفته الملايين، وذلك بعدما تأكد أن معظمهم ليس فيه خير وخلاص انتهت طموحاته عند الأموال التى حصدها والشهرة التى نالها فى موسم واحد ، وجاءت الصفقات البيضاء كثيرة ووصلت إلى 15 لاعبا دفعة واحدة من الموهوبين صغار السن فى كل المراكز ، وكشف مرتضى منصور رئيس الزمالك أن الصفقات الكثيرة تهدف لتعويض الراحلين الذين فقدوا الحافز للعب والفوز ، وكمان تأكيد أنه ليس هناك لاعب حجز مكان فى القلعة البيضاء مهما كانت نجوميته وشهرته او تداعيات رحيله بدليل أن شيكابالا الفتى الذهبى لميت عقبة يواجه شبح الرحيل فى اى وقت بدون أى مخاوف من غضب جماهيرى مثلما كان يحدث من قبل .
الزمالك الآن يضم فريقا من الأكفاء الذين يمتلكون الدوافع للفوز والرغبة فى إثبات جدارتهم ،ويقودهم مؤمن سليمان المدرب الشاب الموهوب فنيا، ومن متابعة دقيقة سيكون احد المواهب التدريبية الكبيرة خلال السنوات القادمة ، وبالطبع رئس النادى هو بطل المشهد بعدما أعاد للزمالك بريقه الغائب منذ سنوات وأصبح الأبيض كورة وبطولات وهيبة وكل حاجة حلوة .
مبروك الزملكاوية أنتصار جديد وفرحة جديدة ..الزمالك منصور
عدد الردود 0
بواسطة:
هشام عرابي
انت بتحلم
انا عارف ان التعليق مش هايتنشر نجحت حمله اليوم السابع في احباط لاعيبه الاهلي الاول شريف الخرم الحمله اللي استهدفت احسن حارس مرمي في مصر الثاني السهر الثالث وده الاهم ان الزمالك الل ايه كبير الكرة المصرية هو الكبير اه لكن كبير الترسو مش البريمو لانه معروف مين الكبير وطول عمرة هايفضل الكبير عصب عن عمر الايوبي لو فعلا صحافة حرة انشر التعليق
عدد الردود 0
بواسطة:
Maged
استفزاز لجمهور الاهلى
السيد كاتب المقال الكبير معروف موش محتاجه رأى دى احصاءات وتاريخ موش فرقه كسبت ماتشين واعرف انو لو الاهلى لعب بعمال غرفه الملابس بردو هياخد الدورى تحيات مشجعى كبير الكره العالميه ببطولاتو موش بالهيصه الفارغه ولاكاس الحته صفيح زى مرتضى ماكان بيقول زمان
عدد الردود 0
بواسطة:
حسن حميدو
الزمالك ف النهائي فقط
ضيف شرف جاته القرف لانه حيتغلب انا عاوزه ف النهائي بس يتغل منها حاجتين القهرة كبيرة اوي كمان لاعيبته يجيبوا اخرهم والاصابات تكتر ويبقوا مش قادرين يقفوا علي رجليهم قال لاعيبة عندها عزيمة وروح خالتك اسمها عظيمة ياعم روح من امتي ده من ماتشين كاسبنهم بالضالين لا ياحبيبي حدسي سيصدق وتندبوا ف النهائي بعون الله وتيجوا علي حجرنا عشان نطلع روحكم دي ونخنقكم من جديد يابلطجية ميت عقبة والعزب المجاورة
عدد الردود 0
بواسطة:
احمد
رقم 2
رقم 2 انت صح في حاجه واحده ان عمال الاهلي ممكن ياخدوا الدوري فعلا لان الفساد كبير عشان كده الاهلي كبير
عدد الردود 0
بواسطة:
هانى رضوان
الى تعليق رقم 2
الكورة العالمية بالبطولات ... طب الأهلى خد ازاى بطل القرن مع ان الزمالك حينها كان يمتلك للبطولات القارية أكثر من الأهلى .. وهذا اعتبرة إعتراف صريح بأن العالمية بالبطولات .
عدد الردود 0
بواسطة:
محمود
تعليقات سخيفة
بالارقام الزمالك كبير افريقيا بخمس بطولات قبل الاهلي ما يوصل للرقم ده ويعديه والكاتب فرحان بانتصار الفريق وده مش عيب العيب ان مشجع اهلاوي يتمني هزيمة فريق الزمالك المصري اللي بيمثل بلدك حاليا بلاش التعصب يعمي عنيكم ولسانكم زملكاوي وافتخر وبشجع الاهلي في كل بطولة دولية واتمني ان يتعافي مما هو فيه ومن اولاده
عدد الردود 0
بواسطة:
munir
ندأ العقل!!!
كل مصرى يتمنى فوز اى فريق مصرى يدخل بطولة قارية مهما كان انتمائة.الاان بعض الكتاب الافذاذ يريدون اشعال الفتنة بين الجماهير ليزيد التوتر والانفلات الاخلاقى كما حدث بألامس لاهداف شخصية دون مراعاة للصالح العام ومالة من تأثير سلبى على مستقبل الكرة وعلى عودة الجماهيرالتى هى عصب اللعبة ياريت نراعى مايكتب ونحكم العقل ونبعد عما يفرق جماهير الناديين الكبيرين.اتمنى ان تصل الرسالة!!!
عدد الردود 0
بواسطة:
غريب عبد الستار صديق باشا
معظم التعليقات حقد وحسرة من الجهلويه
بعد هزيمة الجهلي 3-1 من الزمالك وخسارة الكاس من الزمالك مرتين ورا بعض انا فعلا اعذر الجهلاوية لان الزمالك اصابهم بعدم النوم ويشاهدوا كوابيس ليه بقي لان الحسرة وحشة قوي تخيل كده عزيزي قارئ تعليقي معظم او كل جمهور الجهلي قبل مباراة الزمالك والجهلي كانوا واثقين ومتاكدين من فوز الجهلي كل مااسال جهلاوي يقولك الجهلي حيهزم الزمالك وياخد الكاس لكن كانت الصاعقة الكبرى التي اصابت الجهلوية بصدمة عصبيه رهيبه طيرت النوم من عيونهم طيب ليه السنة الماضية الزمالك هزم الجهلي 2-0 وفاز بالكاس السنة دي الزمالك هزم الجهلي 3-1 وفاز بالكاس بالذمة ماذا تتوقع من جمهور الجهلي علما بان الجهلوية يشعروا بالغرور والعظمة وانهم لايمكن قهرهم علاوة علي البطولات المشبوهة التي يكسبوها لكن ربك يمهل ولايهمل وشربوا كاس الذل والحسرة وكمان الفضيحة تخيل فريق مسيطر علي المباراة ولاحول ولاقوة له وفريق يهاجم ويوصل حوالي 5 مرات يحرز 3 اهداف مع العلم ان هدف السافل مصطفي فتحي هدف غسيل ومكواة وقع سعد سمير واكله نجيلة الملعب وتلاعب به كيفما شاء واحرز هدف غالي وعالمي لذلك انصح كل جهلاوي بمشاهدة هدف مصطفي فتحي 3 مرات قبل الاكل حتي تتسد نفس أي جهلاوي عن أي شيء تلاقي جماهير الجهلي تزرع التعصب طيب ده خبر عن الزمالك يدخلوا ويعلقوا ليه وتعليقات مستفزة طيب ده الجهلي حصالة المجموعة مالكم الزمالك يروح النهائي ويتغلب كما ذكر انسان جهلاوي مريض ونتغلب في النهائي لنصاب بالحسرة دي الحسرة بقي اللي الجهلاويه بيشعروا بيها الجهلاويه ناس مرضي أخيرا الزمالك مدرسة لعب وفن وهندسة الزمالك يهزم الجهلي 3-1 الزمالك بطل الكاس هزم الجهلي سنتين متتاليتين الزمالك بطل الكاس للعام الرابع علي التوالي زمــــــــــــالــــــــــك حــــــــــــــــــــديــــــــــــد
عدد الردود 0
بواسطة:
الى الاهبلاوى رقم 2
واضح انك تمثل المستوى المتدتى من الاهبلوية الذين يفرحون بفساد التحكيم فى الدورى المصرى !!
سثوط الاهلى افريقيا سببه ارتفاع مستوى التحكيم الافريقى بعد استبعاد بلاتر وعصابته ومع ذلك فان اكثر الفرق حصولا على البطولات الافريقية فى القرن العشرين هو الزمالك ولكن الفاسدين عملوا حسبة برما ليسرقوا لقب الزمالك فى عصر الفساد الكروى لبلاتر !!!
عدد الردود 0
بواسطة:
صالح ابن الزمالك
شكرا ليك يا استاذ عمر
شكرا ليك يا استاذ عمر شكرا ليك على الدفعه المعنوية دى شكرا عشان احنا بقينا ف دولة حمرا شكرا لانك اتشجعت وكتبت الكلام ده شكرا من كل قلبي شكرا من كل زملكاوى ليك يا استاذ عمر ياريت تفضل ديما كده احنا ديما بنتحارب عشان الزمالك يوقع ياريت تكمل