قال عادل بدوى، وكيل لجنة الإسكان بالبرلمان، إن قانون الإيجارات القديمة يأتى على رأس أولويات عمل اللجنة فى دور الانعقاد الثانى، ومن المتوقع أن يتم إقراره فى هذا الدور، للقضاء على حالة اللغط الموجودة فى الشارع المصرى.
وأوضح بدوى، فى تصريحه لـ"اليوم السابع"، أن اللجنة ستراعى الجانبين حال وضعها للقانون، وأن الظلم ليس واقعا على المالك فقط كما يشاع، لأنه حينما كان يحصل على 5 جنيهات منذ عشرات السنين كانت حينها ذات قيمة مالية، وكون بعضهم ثروات طائلة فى ذلك الوقت، ولهذا فإن الموضوع يخص الطرفين بشكل كبير.
ونوه وكيل لجنة الإسكان بالبرلمان، إلى أن اللجنة ستراعى عددا من النقاط الأساسية وهى أن من لا يمتلك سوى الوحدة السكنية المقيم بها لن تُؤخذ منه ومن لا يستطيعون دفع مبالغ إضافية سيتم دراسة وضعهم، خاصة أن هناك العديد من الحالات الفقيرة والأرامل وغيرها الذين لا يجدون قوت يومهم ولكن من لديه أكثر من شقة ويستغلها فى الإيجار من الباطن سيتم أخذها منه وكذلك من يغلقون شققهم سيتم سحبها منهم وذلك إرساء لمبدأ العدالة.
عدد الردود 0
بواسطة:
Alaa Abdalla
ماذا بالنسبه للوحدات المؤجره للجهات الحكوميه ؟
ماذا عن المباني المؤجره للجهات الحكوميه و قامت بتأجيرها من الباطن لجهات تعليميه أخري ؟
عدد الردود 0
بواسطة:
مواطن
ما هذا المنطق
علي الرغم من عدم النشر في السابق و لاكن، اي منطق تتحدث به 5 جنيه ايه و عشرات السنين ايه؟ هو الي بيزرع أرضه و بعد سنين يجيب تمنها يبقي يبيع المحصول بعد كده ببلاش؟ قله من المستأجرين يحتاجون الي دعم فلتدعمهم الدوله بمساكن الإسكان الاجتماعي مش يدعمهم المواطنون بشقق علي النيل.
عدد الردود 0
بواسطة:
الاسيوطى
ما معنى مراعاة مصلحة الطرفين؟؟؟؟؟؟؟؟؟
كلمة مطاطة ولامعنى لها ، يعنى ايه مراعاة مصلحة الطرفين السارق والمسروق ، على لجنة الاسكان ان تبحث عن العدل وتصدر قانون يحقق العدل المفقود فى العلاقة بين المالك والمستاجر فى العقارات القديمة منذ اكثر من نصف قرن بسبب القوانين الاستثنائية المخالفة للدستور والتى لامثيل لها فى اى مكان فى العالم الافى مصر ام العجايب .
عدد الردود 0
بواسطة:
رحاب
قانون ظالم
الأرامل و اللي حالتهم متسمحش بدفع الايجار العادل الدولة تسكنه مش المالك و القانون ظالم للمالك فقط المستأجر بيدخر فرق الايجار من سنين و لو بنفس منطق سياده النائب كان زمانا دلوقتي بناخد الكهربا و الميه ببلاش مش كل كام شهر الأسعار تزيد يا ساده في شريعه اسلاميه واجب عليكم احترامها و تنفيذها و دستور أقسمتم بتطبيقه اتقو الله و ردو للناس حقوقها و اعملو حساب ليوم حتتحاسبو فيه
عدد الردود 0
بواسطة:
مصري
بلاش هري! هو العقد كده وانت مضيت عليه وكنت فرحان فبلاش هري! العقد ملزم
سعادتك شاري المتر بخمسين قرش في مصر الجديده وكنت بتدلل علي الشقه علشان تتأجر! والايجار ابو عشرين جنيه اللي مش عاجبك ده كان 60% من مرتب مهندس محترم! يعني في عشر شقق ب200 جنيه اللي هو نفسه تمن حتة الأرض كلها في شهر واحد إيجار وكان يوازي تمن نص فدان أرض! في شهر واحد! ومضيت وانت في قمة السعاده فمتفلقناش بقي
عدد الردود 0
بواسطة:
أبو سليم
إرحمونا من قانون الظلم
إرحمونا من قانون العار القديم. عار على دولة الاسلام والمسلمين مثل هذه القوانيين الظالمه حسبنا الله ونعم الوكيل في آكلين أموال الناس بالقانون وفي كل من يعاونهم
عدد الردود 0
بواسطة:
د تامر جلال
بالعقل كدة مش بالعافية
لابد من التفرقة بين الحالات المختلفة حيث انه يوجد ملاك عقارات بنوا عقاراتهم و اجروها بعد هذا القانون و يوجد ملاك عقارات اشتروا هذه العقارات بعد هذا القانون فهم سواء في الحالتين كانوا شايفين الجدوي الاقتصادية للمشروع ده ولذلك توجد حالات كثيرة لهذا القانون فلابد من دراستها كلها ووضع تصور لكل حالة علي حدة
عدد الردود 0
بواسطة:
مواطن مصري
نقول لعادل بدوي وكيل لجنه الاسكان في البرلمان هل تعلم ان :_
ارجع للقوانين عندك ستجد انها تم تعديلها وان المالك ترجع له الشقه ولا يتم امتداد عقد الايجار لابن الابن يعني بمجرد ان يتزوج الابن فيها اذا كان يعيش مع والده او البنت ابنه لايكون له الحق في امتداد العقد يعني الشقه سوف يأخذها المالك مره اخري ببلاش رغم انه زمان ياعادل يابدوي صاحب المنزل يعني المالك اخذ خلو ورجل ولن يرجع هذا الخلو انت تتكلم من منطق انك مالك او هناك مصلحه لك ولا تعلم ان القانون تم تعديله وانت تريد اثاره الشارع المصري وتسبب الدوشه يمكن تكون اخوان وعاوز تعمل ضجيج علي الفاضي عموما اقرأ قوانين الاسكان سوف تعلم ان ( الشقه لاتملك لابن الابن وترجع للمالك )؛ وهو اخر تعديل ياريت تقرأوا ولاتثيروا موضوع منتهي ارجو النشر ليعلم عادل بدوي وكيل الاسكان في البرلمان هذا التعديل وشكرا لليوم السابع
عدد الردود 0
بواسطة:
محمد عبدالله
تعليق رقم 5
يا أستاذي الفاضل المنطق بتاعك معني كده الي شقته تمليك من 15 سنة ب30 الف جينه ودلوقت بتساوي 500 الف لايسمح له بالبيع بالسعر الجديد واللي بيني عمارة علشان أولاده دلوقت اولاده لا يستفيدوا منها وفي الاف الشقق مغلفة واصابها معاهم ملايين واصحاب العمارة مش لاقيين يأكلو العدل فوق الرحمة ربنا يديم دولة العدل ويهدم دولة الظلم
عدد الردود 0
بواسطة:
محمد على
فية حمله ممنهجة من أصحاب الأملاك
أصحاب الأملاك عامليين حملة ممنهجة بقالهم فترة للضغط من أجل ألقاء الناس فى الشارع ودة ممكن يدخل البلد فى حرب أهلية على الأقل بين الشرطة والمستأجرين عند أجبارهم بقوة القانون على أخلاء الشقق . دى هتبقى مجزرة دة غير بيزنس البلطجية الى هينتعش .