قال عبد الرحيم.م، زوج شقيقة مستريح قنا: "شقيق مراتى تحصل منى على مبلغ 5 ملايين جنيه لاستثمارهم فى المطاحن مقابل تحصيل نسبة فائدة سنوية 72%، من خلال استثمارها فى سندات وأصول إحدى شركات المطاحن الخاصة، واستثمار تلك المبالغ فى العقارات، وشركات الاستثمار، وفجأة أخذ أولاده وزوجته ومشى من القرية".
وأضاف: "أنا كنت واثق فيه وأعطيته شقى عمرى، لأنه أخو مراتى، ولم أتوقع أن يقوم بسرقة أموالى وفلوس عيال أخته ويهرب بيها، ومفيش حد عارف هو راح فين، وهو كان ملتزم مع الكل فى دفع الفائدة، لكنه توقف منذ شهر، وفجأه اختفى".
وتابع زوج شقيقة مستريح قنا: "أخو مراتى ضحك عليا وأخد شقى عيالى، وجاب العار لأسرته، ومن يوم اختفاءه من المركز وغلق هاتفه المحمول ومش عارف أنام، وحسبى الله ونعم الوكيل أن المرض أصابنى لأنى فلوسى ضاعت، والطعنة جات من أقرب الناس لينا".
وكان العشرات من أهالى مركز قوص جنوب محافظة قنا، قاموا بتحرير عدد من المحاضر بنيابة قوص، ضد أحد الأشخاص ويدعى "م.م.م" 28 سنة، لقيامه بالنصب والاحتيال والاستيلاء على عدد من المواطنين، فى مبالغ مالية، وصلت إلى 30 مليون جنيه .
وأكد الأهالى خلال تحريرهم المحضر رقم 408 إدارى قوص لسنة 2017، قيام المتهم بالحصول على مبالغ مالية مقابل تحصيل نسبة فائدة سنوية 72%، من خلال استثمارها فى سندات وأصول إحدى شركات المطاحن الخاصة، واستثمار تلك المبالغ فى العقارات، وشركات الاستثمار، وتمكن المتهم من الهروب من قوص بعد الاستيلاء على تلك المبالغ المالية.
عدد الردود 0
بواسطة:
مصرى
مال الكنزى للنزهى
مثل سمعته عندنا فى الفلاحين ( مال الكنزى للنزهى ) بستغرب من الملاين دى ومفيش حد من الغلابة لاقى القوت - طب ياخى ماتروح تحطهم فى البنك - ميش كده ولا ايه
عدد الردود 0
بواسطة:
مصري
مسلم
دا انتم شوية حرامية ونصابين دا انا معاية الستروفضل الله ومرتاح الضمير وبحمد ربنا نهار وليل
عدد الردود 0
بواسطة:
AHMED NAJEEB MANSOOR
الطمع - واغراءات الحصول علي فائدة كبيرة وراء ضياع المدخرات في توظيف الاموال
سيناريو متكرر لشركات توظيف الاموال الوهمية وعود واهية للحصول علي اعلي عائد - اسوة بما حدث التسعيات - - وراء هذه الهوجة من توظيف الاموال الوهمية هو الطمع - غسيل اموال من عمليات مشبوهة والخوف من وضعها في البنوك تلافيا للمسائلة القانونية من اين لك هذا والكسب غير المشروع - قضية الرشوة الكبرى وجدوا 150 مليون جنيه في منزل المتهم والباقي عقارات واصول ثابتة او منقولة - لماذا الضحية الذى استثمر مع المستريح سلمه 5 مليون جنيه لاستثمارها - لا اعتقد ان هناك مشاريع استثمارية تجلب 72%سنويا - وكان من الافضل وضعها في شهادات ادخار باحد البنوك للحصول علي عائد 20% بطريقة نظامية مع ضمان مدخراته خلال مدة الشهادة يعني يحصل علي مليون جنيه فوائد سنوية يعني يضمن دخل قدره 84 الف جنيه شهريا ويمكنه الاقتراض بضمان الشهادة كما يمكنه التجديد واستمرار الحصول علي العائد الشهرى او الربع سنوى - ياترى الناس بتفكر ازاى؟؟
عدد الردود 0
بواسطة:
محمد حسنى
مقابل تحصيل نسبة فائدة سنوية 72%
72% جامدة أوى . الإخوة أصحاب الدقون والزبيبة من تحار الدين سرهم باتع أوى مع البسطاء وما أكثرهم . إللى يمشى وراهم هياخد حقة بس مش دلوقتى . الحساب هيكون يوم الحساب .
عدد الردود 0
بواسطة:
مصراوي
المصيبه الاكبر
الاهم من كل ده معاه ملايين مخبيهم وبيشغلهم بمسبه عاليه جدا لا ضرايب ولا زكاه بس بيطالب بالتموين والعيش بالبطاقه وتعليم مجاني وشقه اجتماعي وزعلانين من الغاز والبنزين وغلاء الاسعار والمهم ما بينمش الليل الاكبر من ده ممكن يطالب الحكومه تجيب له فلوسه ولو راجعنا الامور دي تلاقي من العينه دي الوف طيب الدعم بقا بيروح فين
عدد الردود 0
بواسطة:
حسن سعد
هو فيه فائدة 72%
ايه العقل ده هو فيه تجارة مشروعة تجيب كل الرزق ده ولا انت موش همك اى تجارة تجيب فلوس ولو مخدرات
عدد الردود 0
بواسطة:
Cc
اية هو مصدر الفلوس
سؤال الموضوع مش انة أخذ فلوس زوج اختي الموضوع انهم عايشين فى قرية ازاى بقة جوز اختي عندة 5 مليون ماهو يا اما زوج اختي موظف حكومة وكدة سهل يبقى معاة 5 مليون زى باقى اللى شغالين فى الحكومة وعاملين يسرقون البلد وخايفين يودعوا هذة الأموال فى البنوك يا اما دة فيلم عشان الناس ماتاذيش أهل المستريح وارجوا سؤال الضحايا عن مصدر الفلوس
عدد الردود 0
بواسطة:
masria
ماحدش يدي فلوسه لحد يشغلها
عادتا بيبقو نصابين
عدد الردود 0
بواسطة:
الهيثم
يعنى انت اعطيته 5 مليون ههههههههههه
انت حرامى وهو نصاب ..اى حد يضحى بسهولة فى 5 مليون يعنى حرامى ..ياترى مصدر رزقك ايه ..قول لو كنت راجل ..فسلط الله عليك نصاب اخر عارف انك مثله وزميل له ..انت ايضا اتوقع ان تعوض الخمسة دول فى ظرف شهر ..كلكم نصابين فعلا
عدد الردود 0
بواسطة:
AHMED NAJEEB MANSOOR
التعليق رقم 7 - هي ده الحقيقة - - ارجو ان يتبني الاستاذ خالد صلاح هذا الملف الهام
سيناريو متكرر - حيث ان هناك "مستريح" بمدينة نصر جمع 87مليون وهرب بالبملغ للخارج وارسل رسالة نصية للمودعين يدعي فيها ان كل الفلوس خسرها فيما يسمي بالفوركس وانه يوجد شخص اخر نصب عليه - يعني نصاب نصب علي نصاب - احد المودعين سلمه 750 الف دولار لاستثمارها - وفوجئنا بعد هروب النصاب الرئيسي بوجود طرف اخر يدعي ايضا انه سلمه 750الف دولار يعني مايعادل 15مليون جنيه - وقد تكون قصة مختلقة لعدم اذية النصاب او للتغطيه علي هروبه بالدخرات التي حصلها من الضحايا لذلك ارجو فحص مصادر التمويل لشركات توظيف الاموال الوهمية ويبدو اننا سوف نصل الي مفاجات كبيرة في هذا الموضوع الذى اطالب الاستاذ خالد صلاح بتسليط الضوء عليه للاهمية القصوى - قد نصل الي مصدر تمويل الارهاب والرشاوى وتجارة المخدرات وغسيل الاموال