كلنا بنحب مصر.. بس مصر بتحب مين؟!

مصر هى أمى وأمك وأمهم وأمنا كلنا، ولو سألتك أنت مصرى؟.. هتقولى إيه؟! بس من غير شتيمة

 

لن تجد أبدًا مصريًا يقول لك إنه لا يحب مصر ولا يعشق ترابها، الجميع يحبونها.. المهمل، والفاشل، والفاسد، والمرتشى، وابن الحرام، وآكل مال النبى، وواضع يده على أرض الغلابة، ومحتكر السكر والأرز، ومسقع الأراضى، ولص البنوك، وتاجر الأعضاء البشرية، وجزار لحوم الحمير والكلاب، والمسؤول الحرامى، والصيدلى الذى يخفى دواء القلب وهو عنده جوه ولا يخرجه حتى لو مات المريض أمامه لأنه هيغلى كمان يومين، وسواق الميكروباص الذى يرفع الأجرة واللى مش عاجبه ينزل، وسائق التاكسى اللص الذى يلعب فى العداد، واللبان الذى يغش اللبن بالماء ويضع عليه فورمالين التحنيط، ومنتج الأفلام والمسلسلات الذى يغيب الجمهور ليرتفع رصيده فى البنك، والإعلامى الطبال الذى لولا الملامة لخرج بالطبلة على الهواء مباشرة، والسياسى الأراجوز الذى لا يفتح فمه إلا ليضر الشعب الغلبان، والصحفى المأجور الذى يكتب «ما يملى عليه».

 

الجميع يقولون إحنا بنحب مصر، وإحنا بنعمل كده عشان البلد، الجميع سيتفانى فى إقناعك بأن ما يفعله ويراه ويقوله ويخترعه هو الصواب، وأنه لا يبغى من وراءه سوى مصلحة البلاد والعباد، حتى ضاع الحق، وضاع المنطق، وأصبحنا فى زمن القابض فيه على دينه وشرفه وأخلاقه ووطنيته كالقابض على جمرة من النار، اللهم اجعلنا منهم.