دائمًا ما نرى شريك الحياة فى بداية الوقوع فى الحب، أنه شخص كامل لا ينقصه شىء، وهو المفهوم الذى يعبر عنه الكثيرون بأنه "توأم الروح" الذى تتآلف معه وتخلق حالة من الكمال، وتكون هذه علامة على الحالة الرومانسية التى تجمعكما، ويكون أساسها عائد للهرمونات الخاصة بالجسم، التى تجعلك ترى الكفاءات الإيجابية للشخص وما تتشاركوا من صفات معا.
ولا يعتبر هذا الأمر سيئًا، فقد كشفت الدراسات العلمية وفقًا لما ذكره موقع "Truththeory" أن مفهوم المثالية الذى يضع الشخص شريكه فيه يعود بأمور جيدة فى العلاقة ويجعله راضيًا أكثر عن الشريك وإن كان لا يحمل هذه الصفات حقًا.
ولكن الصدمة الحقيقة تكون بعد سنة من الزواج تحديدًا، فقد أطلق عليها العلماء فترة العسل فى الزواج، وأرجعوا التفسير العلمى وراء تغير مشاعر الأزواج إلى أن عمل الهرمونات الزائد الذى يقوم به المخ عند بدء العلاقة يخلق نوعًا من اضطراب الكيماويات خاصة المتعلقة بمشاعر السعادة والارتباط مثل هرمون الدوبامين والاوكسيتوسين، ويستمر هذا التأثير على كيمياء المخ لفترة تدوم لـ12 شهرًا وقد تستمر حتى 18 شهرًا أحيانًا إلى أن تعود لطبيعتها مرة أخرى.
عدد الردود 0
بواسطة:
بنت مصرية
اصطدام الأحلام بالواقع !!
معظم الشباب و البنات اثناء فترة الخطوبة وما قبلها من تعارف , بيبقوا باصين للعلاقة من جانب واحد بس , وهو انها كلام معسول وخروجات وفسح وصور وهدايا و بس خلاص , وتبقى نظرتهم للجواز على انه استكمال للصورة الوردية دى بالعلاقة الزوجية اللى بيبقوا باصينلها هى كمان بشكل رومانسى , بعد الجواز بفترة , ومع انجاب اول طفل , بيبتدوا يفهموا ان الجواز مش مجرد عش جميل فيه عصفورين بيغردوا ليل نهار , لأ ده مسئوليات واعباء , الشاب بقى مسئول عن بيت وزوجة وابن او ابنه مطوب منه يوفرلهم اكل وشرب ولبس وعلاج وغيره , والبنت بقت مسئولة عن زوج واولاد مطلوب منها توفرلهم طلباتهم من طلوع الفجر لحد ما يناموا , هنا بقى يبتدوا الزوجين يقولوا لاااااء , احنا متفقناش على كده !! احنا كان ايه اللى دبسنا التدبيسة السودة دى , ما احنا كنا كويسين من غير جواز !! ببساطة بعد اول سنة جواز بتصطدم الأحلام الوردية بالواقع اللى مكانش محطوط فى الحسابات , غير طبعا ان كل طرف من الأتنين بيبتدى يعرف الطرف التانى على حقيقته من غير تجميل ولا نفاق , وكل طرف يكتشف ان التانى مهواش الملاك اللى كان شايفه قبل الجواز , لأ ده له عيوب واخطاء يمكن كمان الطرف التانى ميقدرش يتحملها ولا يتأقلم معاها , يعنى ببساطة بينطبق المثل الشعبى , راحت السكرة وجت الفكرة !! وهنا الزوجين بيتبعوا احدى طريقتين , اما انهم يستحملوا ويكملوا حياتهم وهما كل واحد فيهم ندمان انه اتجوز التانى , أو ينفصلوا !! الكلام ده مهواش قاعدة عامة طبعا , الا انها حاليا بقت القاعدة الشائعة , لأن الشباب اللى فى سن الجواز حاليا متربيين غلط , سواء الأولاد او البنات , متدلعين من الأهل دلع مرق , مفيهوش اى نوع من تحمل المسئولية , الأهل بيتعاملوا مع ابنائهم على انهم اطفال صغيرين بيتعمللهم كل حاجة حتى لو عمرهم اربعين سنة !! لا فيه ولد عارف المعنى الصح لراجل البيت , ولا بنت عارفة ازاى تكون ست بيت , الجواز بالنسبة لهم لعبة لما بيلاقوها مش عاجباهم بيقولوا خلاص مش لاعبين , علشان كده دلوقتى العادى ان الزوجين يتجوزوا وبعدها بكام شهر سنة بالكتير ينطلقوا , احنا قدام مشكلة ان شبابنا للأسف , مينفعوش للجواز !!
عدد الردود 0
بواسطة:
مصطفي
تعليق 1 برافو
تعليق 1 تفكيرك يدل على نضج عقلك وفهمك للواقع , أعتقد إنك من زمن المصريين القدام ليس سنا ولكن عقلاً , الله يوفق كل المتزوجين ومنسمعش حاجة عن اسرارهم الخاصة