وصف مرتضى منصور، ورئيس نادى الزمالك، تعامل الحكومة مع كافيهات مصر الجديدة والمعادى، عقب مقتل الشاب محمود بيومى يوم الجمعة الماضية بالـ"بلطجة"، مشددًا على طريقة تكسير زجاج ومحتويات الكافيهات يؤكد أنها تتعامل مع مستعمرات إسرائيلية، وتابع:" اللى بيحصل ده شئ مفزع.. مش علشان واقعة معينة نقتل 500 مليون فى البلد.. البطالة بتزيد بعد غلق هذه المقاهى.. الجوع كافر".
وأضاف "منصور" خلال اتصال هاتفى ببرنامج "العاشرة مساءً" الذى يقدمه الإعلامى وائل الإبراشى عبر فضائية "دريم"، أن الطريقة السليمة فى التعامل مع هذه الكافيهات هو تطبيق القانون على المخالفات التى بها، وتابع:"لكن اللى بيحصل ده من تكسير نوع من العبث والبلطجة ولن يحل المشكلة"، مطالبًا بضرورة وقف مثل هذه الأعمال على الفور حفاظًا على مدخرات المصريين.
وشدد رئيس نادى الزمالك، على أن ما تقوم به الأحياء بمختلف مناطق القاهرة وتحطيمهم للكافيهات يسمى بلطجة، وتابع:" علشان واقعة حصلت فى كافية تكسر الكافيهات كلها علشات تقولى أنك دكر.. لا أنت مش دكر.. ويا ريت الأحياء بدل ما بتنطط على مخاليق ربنا يقفلوا الأدراج شوية"، مطالبًا المهندس شريف إسماعيل رئيس مجلس الوزراء بوقف تعامل الأحياء مع الكافيهات المخالفة بهذه الطريقة التى تهدر مدخرات المصريين.
عدد الردود 0
بواسطة:
واحد ةخلاص
المغالاة
دائما تغالى فى تصريحاتك الكافيهات والقهاوى هم البلطجة بعينها سواء برخص او من غير رخص يكفى التوسعات التى يحتلوها من الارصفة ومضايقة المارة وخاصة السيدات لمصلحة من هذا التصريح
عدد الردود 0
بواسطة:
كوكو
بس يا بلطجى هههههههه
وانت بتقول الكلام دة عن الحكومة لأنهم هيهدوا الكافية بتاعك المخالف عن قريب ان شاء الله. أنت بتدافع عن الكافيهات اللى تذكرة الدخول فيها بـ 600 جنية والشيشة بـ 140 جنيه. الكافيهات دى أصبحت أماكن لأسطياد الداعرات وبيع المخدرات يا محترم ههههههههههههه
عدد الردود 0
بواسطة:
سيد امير
قهوة الخان في كليوباترا الاسكندرية
البلطجة و المخدرات بدعم من قسم سيدي جابر
عدد الردود 0
بواسطة:
طرازان
الى كوكو رقم 2
ميه ... ميه ... لعبت انت على الوتر الحساس لمرتضى منصور ... تلاقى كل الكافيهات بسور نادى الزمالك مخالفة بتصريح منه
عدد الردود 0
بواسطة:
محمد
حنفى....يا ترى انت محامى مين فيهم؟؟؟؟؟؟
حنفى....يا ترى انت محامى مين فيهم؟؟؟؟؟؟واتعابك بالملايين ياعم ....الفلوس كتيييييير
عدد الردود 0
بواسطة:
احمد يحيي
صدق وهو الـ........
برغم اختلافى مع مرتضى فى كل تصرفاته الا ان كلامه صحيح 100 % .... طبقوا القانون وحرام اهدار لاموال المواطنين وبعدين ازاى نعيب على البلطجية تصرفاتهم ونعمل المثل ؟؟
عدد الردود 0
بواسطة:
هاوى
اللهم اضرب الظالمين بالظالمين
اتنين بلطجية ووقعوا فى بعض . اصحاب الكافيهات بلطجية وايضاً الحكومة بلطجية وربنا بيسلط عباده الظالمين على الظالمين ليقتص بهم ثم يقتص منهم
عدد الردود 0
بواسطة:
magdi
مش عارف مرتضى منصور سايبنه ليه
ليه ما بينعلقش ويتنفخ ولا الى ليه ظهر مايضربش على بطنه خايف يتسعر اكتر من كده حد يربطه
عدد الردود 0
بواسطة:
أبو العُريف
الراجل ما غلطش . . وراجعوا كلامه . .
فعلاً ما يتم من تكسير للكافيتريات هو بلطجة وخروج عن الأسلوب الراقي في التعامل بالقانون . . خذوا منهم غرامات . . غلظوها . . إحبسوهم . . أما أن يكون العقاب بهذه الصورة فهذا إهدار لكرامة الفرد والدولة معًأ . . . مع كامل رفضي لبلطجة وفوضى الكافتيريات المنتشرة في أرجاء المعمورة .
عدد الردود 0
بواسطة:
المصري
المصري
التكسير سهل والتعمير صعب . وبقي النهاردة بالدولار