يسعى القائمون على منظومة التاكسى الأبيض لاستعادة بريقه مجددًا بعدما نجح عدد من الشركات الخاصة فى سحب البساط منهم فى الشارع المصرى، لذا فكر البعض فى عدة مقترحات منها إنشاء تطبيق على الهواتف لإعادة الزبائن مجددًا.. فهل يستطيع المنافسة مرة أخرى؟.
شاهد فى دقيقة.. بعد محاولة التطوير.... by youm7
- يواجه التاكسى الأبيض تحديا من أجل البقاء بعد مرور 10 أعوام على ظهوره
- مؤخرًا.. نجحت شركات خاصة فى جذب بعض المواطنين ناحيتها
- 120 ألف سيارة تاكسى فى القاهرة الكبرى أبدوا تذمرهم من سوء الأوضاع
- المعاناة دفعت القائمين على المنظومة إلى البحث عن وسائل لاستعادة زبائنها
* أبرز المقترحات تمثلت فى
- إنشاء تطبيق "Hataxi" على الهواتف بالتعاون مع جمعية سائقى ومالكى التاكسى
- 2350 رحلة تمت إقامتها خلال التشغيل التجريبى للتطبيق
- البرنامج يلغى التلاعب بالعداد ويتلقى شكاوى المواطنين
- تدشين منظومة خدمات الدفع الذكية
- التخطيط لإقامة تأمين صحى للعاملين وصيانة السيارات للتخفيف على السائقين
- استغلال واجهة التاكسى للإعلانات
عدد الردود 0
بواسطة:
Hosein
حيث لا ينفع الندم
بعد ايه . كانت الفرصة فى أيديهم وضيعوها بغشهم وطمعهم. سلم لى على اوبر وكريم
عدد الردود 0
بواسطة:
الدكش
نعم
التاكسي الابيض. هو الاصل والباقي تقليد طول عمرها الناس بتركب التاكسي الأبيض ولما جربوا اوبر وكريم وعرفوا انهم حرامية رجعونا تاني
عدد الردود 0
بواسطة:
شنشفخه
نعم
بتوع اوبر وكريم بتوع حوارات وبيحوروا علي الزبون ويعملوا علي الزبون افلام لكن التاكسي الابيض عارف الطرق والزبون في امان لأنه مترخص لكن اوبر وكريم لامين الصيع
عدد الردود 0
بواسطة:
ناصر عويس
للأسف خدعونا
عندما بدأوا كانو ملتزمين بالتكيف والعداد والناس تعاطفت معهم وبعد فترة بسيطة بدأ يقفل العداد ويشتغل باملقاولة والطلب أو يلعب فى العداد ولغوا التكيف وبدأو يتنكوا على الناس وبقى أسوأ من التاكسى الأبيض وأسود القديم والنهاردة جاى تتكلم وتتزمر وبتدور على حل بعد كل القرف اللى شوفنا منكم من طمع وعدم ادمية لك اللة ياشعب مصر
عدد الردود 0
بواسطة:
زرجينه
لا
سواق التاكسي الأبيض دي مهنته وشغلته ادي العيش لخبازه ولو كله كله اما سواقين اوبر وكريم دول متعرفش جم من اي داهيه يسرقوا الزبون ويعملوا عليه مصلحة واشتغالات وملهمش اساس انا ركبت مره مع كريم واتسرقت ومره مع اوبر واتسرقت دي شركة نصابة لكن في التاكسي لو نسيت 10 تلاف جنيه هيرجعولك
عدد الردود 0
بواسطة:
محمود سوسته
نعم
سواقين اوبر وكريم بيتحكوا علي الزبون بكلمة ياباشا وفي الاخر الزبون بيتخيط
عدد الردود 0
بواسطة:
هشام
و العداد اخباره ايه؟
لما التاكسي الأبيض يبطل يقاول على الأجرة و يبطل يسال انت رايح فين قبل ما تركب علشان يحدد هو هيدوس على اَي زرار ملعوب فيه وًلما السواق يراعى ضميره يبقى التاكسىً يبقا تاكسى لكن دلوقتىً وسيله للضحك على الناس ... الله يرحم ايّام زمان لما الناس كانت بتحترم بعض لكن دلوقتىً البرشام لحس عقل الناس
عدد الردود 0
بواسطة:
essam
انا مع التاكسى الابيض بعد ما جربت اوبر بالاخص
يا جماعة لازم نعرف ان التاكسى الابيض اصابة ما اصاب الناس كلها .كل الناس اسلوبهم اتغير بعد الثورة 25 . وطلعو اسوء ما فيهم . وبعدين الناس مددلنا ايدهم وبيقولو هنحسن من نفسنا نقولهم لاء . ولا نشجعهم . انا عن نفسى مش هركب غير تاكسى بلدى علشان احرك البلد شوية . ومن الاخر اللى يتكلم عن اوبر . اوبر شركة نصابة وحرامية
عدد الردود 0
بواسطة:
ابراهيم محمد داود
أوبر و كريم
اوبر و كريم سيارات حديثة سائق محترم مبلغ اقل اما التاكسى حدث و لا حرج بالمقاولة مشوار بعشرين عايز أربعين او يغزك بمطواة
عدد الردود 0
بواسطة:
محمد ضياء
تطبيق الهاتف المحمول
تطبيق الهاتف المحمول له كثير من الفوائد عدم اضاعة الوقت فى البحث تاكسى ضمان عدم التلاعب فى العداد توفير للوقود ( حيث يستطيع قائد التاكسى الانتظار فى مكان مناسب انتظارا لأمر شغل ولا يستمر فى السير بدون جدوى بحثا عن عميل )