حوادث الطريق تحدث يوميا وتزيد فى معدلاتها يوما بعد الآخر، لكن لا نعلم الكثير عن طرق المساعدة والإسعافات الأولية الضرورية حين نتعرض لها، خاصة إذا كان برفقتك صديق أو أفراد عائلتك داخل السيارة فعندها تحتاج لأن تعلم بعض الخطوات البسيطة للتعامل مع مثل هذه الحوادث طبيا بشكل جيد، والتى نقدمها لك وفقا لما ذكره موقع "healthsite" الطبى:
1- افحص نفسك أولا: إذا كنت جرحت فى حادث طريق فعليك أولا أن تفحص نفسك وتحرك أطرافك وإذا كنت تعانى من دوخة، بعدها تبدأ فى البحث عن من حولك ومساعدتهم لأنك تحتاج أن تكون فى وضع يسمح أولا.
2- تعامل مع الحالات الخطيرة: افحص تنفس الأشخاص الذين حولك واذهب لمن لا يصرخ لأن إصابته تكون أخطر من الذين فى وعيهم ويمكنهم الصراخ، واسأل الشخص عن اسمه إذا أجاب عليك فمعناها أنه فى وعيه وإصابته أقل خطرا من غيره، لذلك تقدم بالمساعدة أولا لمن لا تتحمل حالته تركها لثوانى.
3- تأكد من النبض: عليك أن تتأكد من النبض المضبوط ومستوياته وكذلك اهتم بمعدلات التنفس وحاول مساعدة الأشخاص قدر الإمكان على إعادة وعيهم.
4- اتصل سريعا بسيارة الإسعاف وأى شخص قريب من مكان الحادث للمساعدة.
5- اعدل الشخص على ظهره ليتنفس أفضل لكن ابعد الدماء عن أنفه وفمه وإذا كان ينزف كثيرا اتركه كما هو ولكن حاول إبعاد أى عائق من أمام أنفه ليتمكن من التنفس.
6- حاول وقف النزيف من الجرح المفتوح من خلال وضع قطعة قماش والضغط على المكان الذى ينزف لأن أحيانا أصابعك لا يمكنها أن توقفه.
7- يجب أن تحافظ على جسمهم دافئا لأنهم يشعرون ببرد شديد بسبب الصدمة، فيكون الدعم لهم من خلال وضع جاكت عليه أو احتضانه يساعدهم على الحصول على الدفء الذى يحتاجونه.
8- إياك أن تعطى له طعام أو شراب بدافع أنك تساعده لأن ذلك سيتسبب فى حدوث الاختناق له.
عدد الردود 0
بواسطة:
بنت مصرية
من المساعدة ما قتل !!
اهم حاجة فى مساعدة أى مصاب انك متتبرعش بالمساعدة لو كنت متعرفش ازاى تساعد , متفتيش يعنى , لأن المساعدة الخطأ ممكن يكون ضررها اكبر بكتير من عدم المساعدة أصلا , يعنى لو معندكش فكرة عن الأسعاف الأولى يبقى تسيب المصاب فى حالة وتطلب الأسعاف و وبعدين تطلب المساعدة من اى ناس حواليك بيفهموا فى الأسعاف , من اهم قواعد الأسعاف انك متحركش المصاب ابداااا الا اذا كان فى تحريكه انقاذ له من خطر اكبر , زى وجوده فى محيط حريق أو انفجار او انهيار مبنى , غير كده يبقى تتأكد من تنفس ونبض المصاب وتسيبه فى نفس وضعه, لو التنفس او النبض متوقف اعمل للمصاب انعاش قلبى رئوى لو تعرفه , بالمناسبة مهم جدا ان الناس تكون عارفة ازاى تعمله لأنه بيكون الفيصل فى انقاذ حياة المصاب اذا توقف نبضه وتنفسه , لو فيه نزيف من جرح ظاهر ليك اضغط عليه بقطعة قماش نضيفة علشان تقلله , لو المصاب واعى وسامعك طمنه وقوله ميخافش وانه هيبقى كويس ان شاء الله وانك جمبه ومش هتسيبه الا لما الأسعاف تيجى تساعده , بلاش التدخلات الشائعة فى مصر زى طلب الحركة من المصاب او محاولة مساعدته فى الوقوف لأن التدخلات دى ممكن تحوله من مجرد مصاب الى مشلول او متوفى !! كمان بلاش طيب ادوله حاجة حلوة او شربوه مية لأن الأكل والشرب احيانا بيكون مضر بحالة المصاب غير انه ممكن يتسبب فى اختناقه لو مكانش واعى كفاية , لو المصاب واعى ممكن تعرف منه معلومات طبية ممكن تساعد لما تقولها للأسعاف اذا فقد المصاب وعيه قبل ما يوصلوا , زى اذا كان المصاب مريض بمرض معين او بياخد أدوية معينة أو عامل جراحات قلب او تثبيت عظام او عمليات عمود فقرى قبل كده وفصيلة دمه لو يعرفها , لو المصاب مش قادر يتكلم يبقى تسيبه ومتجهدهوش يمحاولة الكلام , الخلاصة انك لما تقرر تساعد مصاب يبقى لازم تكون عارف كويس انت بتعمل ايه مش مجرد رغبة فى المساعدة بغير علم ولا وعى , ونتمنى لنا وللجميع السلامة .