قال إلهامى عجينة عضو مجلس النواب، أن هناك مشاكل كثيرة تتعلق بالمرور فى مصر فعلى سبيل المثال أكثر الناس تجاوزا لقوانين المرور نجدهم ممن يجيدون القراء والكتابة وليس من الأميين والسبب يعود إلى أن الذين يجيدون القراءة والكتابة يستخدمون الفيسبوك خلال قيادة السيارة مما يعرضهم للحوادث.
وأوضح عجينة ردا على مشروع القانون الذى تقدم به النائب رضا البلتاجى، أنه من الطبيعى ألا يحصل المواطن على رخصة إلا إذا حصل على شهادة التعليم الأساسى إلا أنه فى الحقيقة فإن الذين يجيدون القراءة والكتابة هم أكثر الناس تسببا فى حوادث الطرق.
وأضاف عجينة فى تصريح لــ"اليوم السابع"، :"معظم النواب يخالفون قوانين المرور وأنا واحد منهم فلو نزلت للشارع هتلاقى أن النواب أكتر ناس بتخالف القوانين مش بس كده هتلاقى إن الضباط والنواب والصحفيين بيخالفوا قانون المرور ولو مش مصدق شوف النمر بتاعتهم فى الشارع عاملة ازاى".
وواصل عجينة تصريحاته قائلا:"المفروض أن اللى يخالف المرور من الفئات دى فى المجتمع تسحب منه الرخصة فورا وتكون الغرامة المالية عليه مضاعفة".
عدد الردود 0
بواسطة:
عباس
عنده حق
انا شوفت عربيه منغير نمر وازاز اسود ماشيه عكس صلاح سالم عشان يدخل من فتحه بعيده فضل ماشي عكس السير بخطورة جدا بس النائب ده عنده حق
عدد الردود 0
بواسطة:
مبدو
ميلانو
نواب الندامة انزلو شوفو الناس حالتهم عامله ايه هو السيسى معاه عصا موسى هيشتغل لوحده احنا فى شهر كريم عارفين سعر كرتونة البيض فى البورصة كام النهرده ٣٧ جنيه من المزرعه هتوصل المستهلك بكام ومع انى سعر العلف زى ماهوا على فكره انا عندى مزرعة بياض ومن مصلحتى ان الكرتونه توصل ٥٠ بس انا مبحبش الافترا على الخلق ياتواب مصر رمضان كريم تحيا مصر
عدد الردود 0
بواسطة:
متابع
كلامه صح 100% والنواب يعملون لارضاء دوائرهم بالمخالفة للقانون
فوق
عدد الردود 0
بواسطة:
ابو محمود
النواب أكتر ناس بيخالفوا القانون
احنا شعب نحتاج إلي تربية الأجيال القادمة تريية صحيحة من أول الحضانة حت نهاية التعليم أما الاجيال الحالية فربنا يعوضنا فيهم فقد تربي الاغلبية علي مبادي فاسدة منها مخالفة القانون فهلوة وليست جريمة وأن القائمين علي القانون هم فق القانون وايضا إذا ان عندك واسطة افعل ما تشاء فالبلد بلدنا والدفاتر والكمبيوتر عندنا
عدد الردود 0
بواسطة:
عبدالرحمن حميد
اول مرة تقول حاجه عليها القيمة
انت صح