عنيا بتدمع بذكر النبى
وقلبى بيرجع كأنى صبى
بحس ببراءة وإحساس غريب
كأنى بروحى ف حضرة
حبيب
حبيبى محمد يا خير الأنام
يا رمز الطهارة يا مسك الختام
يا بلسم جروحى
دا أنا أفديك بروحي
أتيتنا برسالة وخير الكلام
يا بسمة ف عنينا
يا نورنا ونبينا
يا أجمل ما فينا
وفى العالمين
يا رحمة خلايق
مغارب مشارق
هتفضل امامهم
ونور الجبين
يا عادل يا فاضل
يا سيد يا واصل
نهيت الفواصل
يا صادق أمين
قمرنا اللى نور
بكلمة إله
بقرآنه عشنا
ونهلك لولاه
يا بحر الفضيلة
وسيرتك جليلة
تفرح قلوبنا وتنهى
الهموم
سمانا بنورك
بضيك بدورك
بتفرح وتصفى
وتطرح نجوم
مقامك دا عالى
وجوايا مالى
ف قلبى المحبة
بتكبر تدوم
بحبك وحبك
ف قلبى طريق
بحسك معايا
كأنك شقيق
بينصح ويشرح
ودايما إمام
وهختم كلامى
بخير الختام
رسولى رسولى
رسول السلام
