إن كنت ناسى أفكرك---- إن إحنا أهلك ومصر دارك
كنا زمان جيرة وأصحاب و شلة--- دا جالك ودا زارك
هو المسيحى أيه غير صحبك--- اللى دايما جمبك وهو جارك
ومصر أيه غير مسلم ومسيحى--- و كل حاجة فيها بنتشارك
طب أيه اللى حصل ---- وأيه اللى سمم أفكارك
فكر مين اللى عايزها والعة ---ومين اللى عايزنا مع بعض نتعارك
تعالى يلا ياصحبى نزيح عنا الغمة ----ونرجع تانى نتشارك
دحنا دايما هنبقى أيد واحدة -------و مصر بوحدتنا تتبارك
أوعى تسمح لحد يفرق بنا -----وفى دمار مصر معاه تشارك
خليك فاكر إن أنت منا ----- وأوعى حد يسمم أفكارك
وإن كنت ناسى أفكرك -----إن إحنا أهلك ومصر دارك
