هل واجهتك أزمة لتعرض أحد أصدقائك للإغماء بشكل مفاجئ؟ وهل شعرت بالارتباك والتوتر لعدم قدرتك على التعامل مع الموقف لدرجة دفعتك لاستدعاء أى شخص لمساعدتك بصرف النظر عن كونه صاحب خبرة أم لا؟.
فى الفيديو التالى سنقدم لك مجموعة من الخطوات الهامة للتعامل مع حالات الإغماء، وفقا لما قال أخصائى الإسعافات الأولية شريف كاشف.
السكريبت :
اتعرضت لموقف مفاجئ بتعرض حد من صحابك للإغماء، وفقدت قدرتك على التركيز والتعامل نتيجة إحساسك بالتوتر والخوف عليه؟، الموقف ده بيحصل مع كتير مننا وأحيانان ممكن نطلب المساعدة من أى حد ماشى فى الشارع حتى لو كان مش متخصص، وأحيانا كتير الناس ممكن تدلك على طرق غلط للتعامل مع حالات الإغماء.
وعلشان كده "اليوم السابع" هيمشى معاك خطوة بخطوة وهيقولك إزاى تنقذ المصاب بالإغماء بطريقة صحية، زى ما قال أخصائى الإسعافات الأولية شريف الكاشف فى حلقة جديدة من"هتعمل إيه".
1ـ لازم نفتح القصبة الهوائية للمصاب علشان ميتعرضش للاختناق، فأول حاجة هتعملها حط إيدك على ذقنه والأيد الثانية على الجبهة، وارفع ذقنه لفوق ورجع الجبهة للخلف.
2ـ تانى حاجة، ارفع رجله على حاجة أعلى من مستوى قلبه لزاوية 30 درجة، وفى الحالة دى ممكن تستخدم كرسى صغير.
3ـ فى خلال خمس دقائق لو المصاب مفاقش، هنا هتستعمل وضع الإفاقة وهو إنك ترفع إيده الشمال بزاوية 90 درجة، وتحط إيده اليمين حوالين رقبته.
4ـ ارفع رجله اليمين لفوق واقلبه للأمام علشان ميتعرضش للاختناق .
5ـ بكده أنت رجعت الدم للمخ ونقذت مصاب الإغماء من الموت.
تم أضافة تعليقك سوف يظهر بعد المراجعة