وجه إيهاب جلال المدير الفنى لفريق الزمالك تحذيرا شديد اللهجة للاعبى الفريق الأبيض خلال الاجتماع الأول معهم، عقب توليه المسئولية وقبل خوض مباراة القمة أمام الأهلى اليوم.
وقال إيهاب جلال للاعبى الزمالك، إن الالتزام أمر مقدس بالنسبة له لا نقاش فيه، واستشهد بمهاجم إنبى صلاح محسن الذى استبعده من قائمة إحدى المباريات، رغم تألقه بسبب تأخره 10 دقائق فقط عن موعد التدريب.
وأكد إيهاب جلال للاعبى الزمالك أنه اعتاد على النجاح مع كافة الأندية التى تولى تدريبها، وبالتالى لن يقبل بالفشل داخل البيت الأبيض، مشددا على أن نجاحه يرتبط بتألق اللاعبين وتنفيذهم للتعليمات لأنه لا يمكنه النجاح وحده.
وشدد إيهاب جلال على صعوبة مباراة الأهلى لأنها أمام منافس قوى لكن فى الوقت نفسه يمتلك الزمالك لاعبين لا يقلوا قوة وكفاءة وقادرين على تحقيق الفوز وقال للاعبيه : "أنتم قادرون على تقديم مباراة رائعة والفوز بالنقاط الثلاثة وكل شيء بين أقدامكم أنتم".
عدد الردود 0
بواسطة:
م محمد
علي اساس ايه
الفوز بين اقدامكم انتم ليه هما هيلاعبو بني عبيد ؟؟ ده حتي لو بني عبيد فالفوز بين اقدام لاعبي الفريقين وليس فريق واحد ؟؟
عدد الردود 0
بواسطة:
الشواف
كلهم قالو كده
كل اللى قبلك قالو كده يا جلال يا بنى
عدد الردود 0
بواسطة:
تيتو
والله زمان ياسلاحي
يا استاذ محمد ماتاخدش في بالك، كله بيدخل سخن في الاول لغايه لما يعرف الحقيقه المره، لا وغير الفوز بين اقدامكوا بيقولك ان مافشلتش قبل كده طيب ماشي كلنا عارفين انك مدرب كويس بس تسمح تقولي ماهو مقياس النجاح والفشل عندك؟؟؟؟؟ كم عدد البطولات اللي أخدتها ؟؟؟؟ المركز التاني هو النجاح الوحيد وده مش غريب علي الفريق اللي بتدربه دلوقتي، والنبي بلاش شغل والله زمان ياسلاحي ده عملها قبلك حسام حسن ومانفعش برضه مع الأهلي
عدد الردود 0
بواسطة:
كرهنا الكوره والرياضه
ياه... هو انت لسه بتدرب الزمالك لغايه دلوقتي ياكابتن
حاول تستمتع بوقتك الايام في الزمالك بتعدي بسرعه...