"ابنى بيرضع كويس وبينام كويس بس وزنه مش بيزيد خالص من ساعة ما اتولد"، هو سؤال من ماميز لـ اليوم السابع، من والدة طفل رضيع لا يزيد وزنه، على الرغم من الرضاعة الطبيعية المنتظمة.
ويجيب على هذا السؤال الدكتور تامر محروس، استشارى الأطفال وحديثى الولادة، أنه من الطبيعى أن يزيد وزن الطفل ما دامت الرضاعة طبيعية وكل ساعتين على مدار اليوم مع النوم المنتظم ، وبشرط أن تكون كمية اللبن فى ثدى الأم مضبوطة.
وأضاف: فى حالة عدم وجود أى مشكلة فى الرضاعة مع انقاص وزن الطفل يجب استشارة الطبيب فقد يكون ذلك سبب مشكلة صحية فى الطفل وأبرز هذه المشاكل:
1: وجود مشكلة فى التمثيل الغذائى، أوعدم استطاعة الطفل هضم الطعام بشكل جيد.
2:اصابة الطفل بحساسية ، او تعثر فى النمو .
3: مشاكل فى الغدة الدرقية أو النخامية المسئولة عن النمو.
4:مشاكل فى القلب والرئة.
5:مشاكل فى الجهاز الهضمى والمعدة.
عدد الردود 0
بواسطة:
بنت مصرية
ازاى !!
ازاى يعنى مش بيكبر ؟؟, مفيش طفل مش بيكبر !! بداية علشان نتكلم عن كون الطفل طبيعى وللا لأ مش كفاية نتكلم عن وزنه ونسكت , لأن الوزن لوحده مش هو الفيصل , يعنى مثلا احنا منعرفش الطفل ده عمره كام , منعرفش اتولد وزنه كام وحاليا وزنه كام , منعرفش هل اتولد طبيعى وللا كان عنده مشاكل زى انه اتولد ناقص او عنده مشاكل تنفس او صفرا أو عيوب خلقية أو غيرها , منعرفش هل كل مشكلتك معاه ان وزنه قليل وللا فيه اعراض تانية , منعرفش معدل رضاعته كل قد ايه , منعرفش هل معدل تدفق اللبن عند الأم المرضعه كويس وبيشبع الطفل وللا لأ , هل الطفل طوله بيزيد بشكل طبيعى وللا لأ , كل الحاجات دى مهمة علشان نعرف نحكم هل فيه مشكلة فعلا وللا لأ , كمان معظم الأطفال اللى امهاتهم بيشتكوا الشكوى دى بيكونوا فى الحقيقة طبيعيين ومفيهمش أى مشكلة , المشكلة بتكون ان الطبيعى بتاعهم ده مش عاجب امهاتهم !! او مش عاجب قرايبهم واصحابهم اللى كل ما يشوفوا الطفل يقولوا لأمه , هو ابنك ده مبيكبرش ليه !! ماله ضعفان كده ليه !! عموما , ما دام الطفل بيرضع كل ساعتين , بيكتفى بعد الرضاعة ومبتحسش امه انه لسه جعان وان لبنها مش مكفيه , مبينهجش او يزرق او يشرق أو يقطع اثناء الرضاعة وامه تحس انه مش عارف يرضع , معندوش اعراض مرضية زى القىء والأسهال والمغص المستمر وغيرها , بيطول بالشكل الطبيعى اللى هو من 2,5 سم الى 4 سم شهريا , على فكرة 2,5 طبيعى و 4 سم طبيعى برضه لأن مفيش معدل ثابت للطول ينطبق على كل الأطفال , بس فيه معدل طبيعى مفروض ميقلش عنه اللى هو 2,5 سم , كمان مفروض وزن الطفل فى نهاية الشهر الثالث يكون زاد على يوم ولادته من كيلو ونص الى تلاتة كيلو , مفروض ميقلش عن كيلو ونص , يعنى لو هو مولود تلاتة كيلو مثلا , وفى سن تلت شهور بقى 4,5 عادى , بقى ستة كيلو برضه عادى , الخلاصة انه طالما الطفل طبيعى من كل النواحى ما عدا ان وزنه قليل فدى متعتبرش مشكلة , لأن مفيش طفل مبيكبرش بالمرة الا لو مريض , ولو هو مريض لازم هيبقى عنده اعراض تانية غير كونه مبيكبرش !! لأ هو بيكبر بس مبيكبرش بشكل يرضى اللى حواليه , فهنا المشكلة مبتكونش فى الطفل .