ظهر فى الترند المصرى، اليوم الاثنين، هاشتاج "كلب المطرية" للتنديد بقيام مجموعة من الشباب بقتل كلب بصورة وحشية، بعد تعذيبه بالساطور فى منطقة المطرية.
وتصدر الهاشتاج قائمة الترند، وظهر ضمن الأكثر تداولا، رفضا لموقف هؤلاء الشباب الوحشى، والتعذيب الوحشى بحق حيوان برئ لا حول له ولا قوة.
ترند مصر
وغرد بعض المدونين مطالبين بمحاكمة قاتلوا الكلب، حتى لا تتكرر مثل هذه الوقائع غير الإنسانية والوحشية، وغرد أحدهم قائلا:" حسبي الله ونعم الوكيل مش متخيلة إن ممكن إنسان يأذي روح من غير ما يعمله حاجة لمجرد إن ملوش لاحول ولا قوة الناس اللي بتعمل كدا مش بشوفها غير ناس مريضة بطلع مرضها علي أرواح بريئة"، وغرد آخر :" أنا مش مستغرب من كمية الناس اللى مضايقة من هاشتاج زي ده بس أحب افكركم إن امرأة دخلت النار فى هره، عارفين يعنى ايه جهنم لبنى آدم بسبب قطة، وغيرهم اللى دخلوا الجنة بسبب سقاية كلب".
نأسف لبشاعة المنظر بس للاسف الناس دي عايشين معانا ازاي وبناعملهم علي أنهم بني ادمين ازاي !!!! #كلب_المطرية pic.twitter.com/Feq5rU9Qzk
— muostafa khiry 💎 (@muostafa_Bikers) December 23, 2019
صورة للكلب
وغردت مدونة اسمها نادية :"زي ما فى ناس عذبت كلب المطرية حتى الموت النهاردة شفت بعينى فى شارع فؤاد كلب اتخبط من عربية صاحب العربية سابها فى نص الشارع و نزل يجرى على الكلب و منهار و حاسس بالذنب و الناس بجد فى الشارع كانت كلها رجولة و خوف على الكلب زى ما فى وحوش فى الشارع لسه فى بنى آدمين"، وقال آخر: المفروض إن اللى تم الاعتداء عليه حيوان بس الحيوان الحقيقى هو اللى اعتدى والله".
كلب المطرية
كلب المطرية
