تعد المسبحة من الأشياء المميزة الموجودة منذ قديم الزمان إلى وقتنا الحالى، ومازالت محتفظه ببريقها وجودتها المميزة، فبدأ ظهور المسبحه منذ 5000 عاما عند السوماريين وظلت تنتقل من بلد إلى آخر وخاصة فى البلاد الإسلامية ، وتمتلك من الشهرة ما يجعلها من الأشياء الخاصة المميزة فى دول الخليج بصفة خاصة بحيث تعبر عن وجاهة صاحبها وروجلته، واستخدامها فى الطقوس الدينية والصلوات، والتى يزداد الإقبال عليها بصفة مستمرة مع قدوم شهر رمضان الفضيل، وللتعرف على كيفية صناعتها وأجدد ما توصلت إليه، تجولت عدسة اليوم السابع داخل إحدى الورش الخاصة بصناتعتها لننقل لكم ذلك
ويحكى "حسن" أحد الصنايعية الذين يعملون فى صناعة المسبحة فى ورشة الحاج عاشور لليوم السابع ويقول" انا اتعلمت صناعة المسبحة من سنه 2000 لحد دلوقتى والحاج عاشور هو إللى علمنى صنعتها وفضلت شغال فيها حتى بعد وفاته"
وتعتمد صناعة المسبحة فى مصر على الصناعة اليدوية المميزة التى تضمن صناعتها بشكل وجودة مميزة تميزها عن الكثير من المسابح التى توجد فى السوق، كما أنها تمر بالعديد من المراحل حتى تظهر لنا بشكلها المعروف
وأضاف حسن : "المسبحة بتكون فى البداية مادة خام عبارة عن عيدان وبعدين بتقطعها على المنشار والمرحلة التانية التخريم وبعدين بنشكلها على الشكل إللى إحنا عايزينه سواء الشكل الدائرى أو المدبب أو شكل الاسطنبولاية على مكنه الجلخ إللى هى مرحلة التجهيز وبعدين التحسين والتنعيم عشان تظهر فى الآخر بملمسها وشكلها المضيء واللامع، وكل دا بيبقى شغل على مواتير عادية.
كما تشمل جميع الأشكال والأحجام والألوان أيضا ولا تقتصر على شكل واحد مخصص لها، وتنتهى فى النهاية بسحبها على خيط من الحرير وإضافة الإكسسوارات الخاصة بها وهى عبارة عن المدبة والبسبوز والحبتين والقصبة والغطاء.
وتابع: "الإكسسوارات بتكون من نفس خامة المسبحة، وشغلها بردو بيكون يدوى، وبتبقى على حسب طلب الزبون، وبتكون عددها 33 حبه أو 99 حبه".
كما تختلف كل مسبحة عن الأخرى من خلال المادة المستخدمة فى صناعتها، سواء كانت من الخشب أو عضم الجمل وقرن الجاموس والبلاستيك أيضا، إذ تعد هذه الخامات هى الأكثر انتشارا فى السوق والتى يتراوح أسعارها بداية من 20 جنية إلى 60 أو 70 جنيه.
ولكن يوجد لها أنواعا خاصة مثل الكهرمان واللولى والفضه والفيروز وصناعتها من الأحجار الكريمة المميزة، كما تباع هذه الأنواع بالجرام لندرة وجود هذه الخامات.
و يزداد الإقبال على شراء المسابح المطعمة وخاصة فى شهر رمضان الفضيل، وهى المسابح المعروفة والمميزة فى دولة السعودية الشقيقة وتابع" السبح المطعمة بيزيد الاقبال عليه خاصة فى شهر رمضان لأنها بتكون مميزة والناس عارفة شكلها لأنها بتكون موجودة فى السعودية، وبتكون عبارة عن عضم مطعم بالفيروز أو عضم مطعم بالنحاس وسعرها بيبدأ من 30 الى 60 جنيه .
ويختتم حديثة " فى ناس غاوية سبح انها تكون شايله سبحه مختلفة ومميزة، فبيجيلنا ومعاه المادة الى هو عايزها سواء من الفضه او الفيروز وبتكون حاجة من الأحجار الكريمة واحنا بنعملهاله زى ماهو عايز، زى ماعددها بيطلع لان ماينفعش ترمى منها.
.jpg "أشهر أنواع السبح فى شهر رمضان الكريم (1)")
.jpg "أشهر أنواع السبح فى شهر رمضان الكريم (2)")
.jpg "أشهر أنواع السبح فى شهر رمضان الكريم (3)")
.jpg "أشهر أنواع السبح فى شهر رمضان الكريم (4)")
.jpg "أشهر أنواع السبح فى شهر رمضان الكريم (5)")
.jpg "أشهر أنواع السبح فى شهر رمضان الكريم (6)")
.jpg "أشهر أنواع السبح فى شهر رمضان الكريم (7)")
.jpg "أشهر أنواع السبح فى شهر رمضان الكريم (8)")
.jpg "أشهر أنواع السبح فى شهر رمضان الكريم (9)")
.jpg "أشهر أنواع السبح فى شهر رمضان الكريم (10)")
.jpg "أشهر أنواع السبح فى شهر رمضان الكريم (11)")
.jpg "أشهر أنواع السبح فى شهر رمضان الكريم (12)")
.jpg "أشهر أنواع السبح فى شهر رمضان الكريم (13)")
.jpg "أشهر أنواع السبح فى شهر رمضان الكريم (14)")
.jpg "أشهر أنواع السبح فى شهر رمضان الكريم (15)")
.jpg "أشهر أنواع السبح فى شهر رمضان الكريم (16)")
.jpg "أشهر أنواع السبح فى شهر رمضان الكريم (17)")
.jpg "أشهر أنواع السبح فى شهر رمضان الكريم (18)")
