رسالة لـ بنت حبيتها
ف سابت إيدها بلا أعذار
ف حزن بيبقى جوانا
بيظهر بس دون إنذار
وجع بيبان ك ضرب النار
وفجأة القلب ينزف دم
جراح ع هم
ع حبه وجع متساب
رسالة لبنت لو حبت
تتدمع بس لو ف غياب
وتحزن عادى دون أسباب
وتفرح بس بالمواعيد
إذ كلمها نص الليل
إذ حست بأنه وحيد
وأنه حزين لكونه اتساب
رسالة لـ بنت حبيتها
مفيش دلوقتى بينا عتاب
بشوفها الوقتى مش هيا
ومش نفس الكلام إياه
وبعرف أنها حبت
وزى الفل عايشه معاه
بتسهر ليلها ع التلفون
وتحكى كلام ع الوتساب
ولو قدامها جت سيرتي
ف تتنرفز تقول كداب!!
وعيل واطى ونسيته
ياريتنى ما كنت حبيته
وجعنى وسابنى وأزاني
بعدت بجد علشاني
بقيت أحسن وزى الفل
وهوا ياريت بلاش سيرته
علشان المود بيتغير
كبر قدام عيون الناس
ولسه بشوفه دا صغير
كأن البنت مظلومة
مهيش خاينة
دى بنت ضعيفة وحزينة
يعنى دى بنت مسكينة
وسابها لحزنه وسافر
أكيد البعد شىء كافر
رسالة لـ بنت حبيتها
بحكم العشرة كدابة
مهيش والله متسابة
دى بتمثل وكله تمام
تبان قدام عيونكم خام
وزى الفل وتتدمع
تحس بحزنها مسمع
ومكسورة
مفيش ع فونها ولا صورة
مفيش جواها غير أوجاع
رسالة لـ بنت حبيتها
علشان والله قلبى اتباع
وكان الحزن بإيديها
رسالة لـ قلبى ف غيابها
ياريته ما دق يوم بابها
ولا قرر يكون ليها
ياريتنى ما دوبت يوم فيها
رسالة لـ بنت حبيتها
كاره نظراتها وعنيها!!
