كشف الإعلامى عمرو أديب، حقيقة ما أثير حول وجود مظاهرات فى مدينة المنصورة، حيث عرض لقطات مباشرة من شوارع المنصورة.
وعرض أديب خلال برنامجه "الحكاية"، مقطع الفيديو المتداول على مواقع التواصل الاجتماعى، والذى يزعم أنها فى مدينة المنصورة، واتضح أن الهتافات بلهجة غير مصرية، بما يؤكد أن الإخوان ينشرون فيديوهات مزيفة لمظاهرات فى المنصورة.
وقال أديب، "مفيش مظاهرة ولو حصلت مظاهرة بسرعة واتلمت بسرعة هقولك.. وإحنا دلوقتى بندور على مظاهرات، ولكن هذا الفيديو بلهجة غير مصرية، حتى هذه اللحظة لا توجد مظاهرات فى المنصورة".
وتابع،"إحنا فى كل شارع وميدان وكل حتة، وعلى فكرة ممكن يتجمع مجموعة من الناس ويقولوا هتافات ويمشوا أو يكموا، ونحن سنعرض الحقيقة كاملة".
وأجرى البرنامج مداخلات هاتفية بعدد من مديرى مكاتب الصحف المصرية، الذين أكدوا أن الحياة طبيعية جدًا ولا يوجد لأى مظاهرات كما تزعم المواقع الإخوانية.
نائب المنصورة: "اللى بيتكلموا عن المظاهرات يقولولى فين!"
علق نبيل الجمل عضو مجلس النواب عن مدينة المنصورة، على ما أثير حول وجود مظاهرات فى المنصورة، مؤكدًا أنه لا يوجد أى مظاهرات والناس تتفسح فى الشوارع بشكل طبيعى.
وقال الجمل خلال مداخلة هاتفية ببرنامج الحكاية مع عمرو أديب،"من يزعم وجود مظاهرات يقولى فين عشان أنا فى الشارع ولسه مروحتش.. لا يوجد لدينا شيء ولا هيصة وما يقال مجرد خيال".
كما تلقى برنامج "الحكاية" فيديوهات من المواطنين تتضمن لقطات حصرية لشوارع المنصورة وهى فى حالتها الطبيعية.
يحذر المصريين من البيانات المضروبة: "أكذوبة فاجرة وانزلوا واتفسحوا"
وعرض أديب، تحذيرا مضروبا متداولا على مواقع التواصل الاجتماعى يحذر المواطنين من التظاهر لدعم الدولة المصرية ومؤسساتها، معلقًا :" أكذوبة فاجرة، وأنا بقولكم اللى عاوز ينزل ينزل واتبسطوا".
وعلق:"عمركم شوفتوا بوست مكتوب من ضابط مخابرات وحاطط تحت منه المخابرات العامة المصرية وتصدقوا!!.. لو المتحدث العسكرى ماشى، لو وزارة الداخلية ماشى!.. لكن المخابرات المصرية لا ترسل أى رسائل للناس، ولا صفحات لها".
وواصل: "مفيش تعليمات من الدولة إن محدش ينزل، واللى عاوز ينزل ينزل، والبلد دى تغيرت بالفعل.. لكن الخونة عاوزين يوصلونا للمرحلة دى من الخوف، ومفيش صفحة للمخابرات برة ولا فى الداخل ولا أى حاجة، ومصر لديها مواقع إخبارية وبرامج تلفزيون وعندها مليون حاجة، توصل بيها ما تريده لأى حتة فى العالم".
وتابع:" هذا البيان مضروب وكذب.. واللى عاوز ينزل بكرة الجمعة ينزل، مفيش بيانات للمخابرات والدولة مقلتش لحد حاجة.. وبكرة يوم عادى.. إنزل أنت وأهلك واستمتع وانبسط، بلدكم أمان، وبكرة كل الجهات الأمنية والسيادية قاعدة وبتاخد بالها لأن دا دورها، ومسئولة عن التأمين".
"01064976557 واتساب مصر".. للإبلاغ عن الرسائل التحريضية وأحداث الشغب
وناشد الإعلامى عمرو أديب، المواطنين المصريين بالإبلاغ أى رسائل تحريضية أو أحداث شغب أو أعمال تخريبية، من خلال "واتساب مصر"، على الرقم 01064976557.
وقال أديب، خلال برنامجه "الحكاية"، :"واتس آب مصر للإبلاغ عن الرسائل التحريضية أو أحداث الشغب أو الأعمال التخريبية.. كل واحد يجيلوا رسالة تحريضية أو دعوات الحشد يبعتها لواتس آب مصر، والجهات الأمنية هتتصرف".
عمرو أديب: إخوان تركيا أنشأوا جروب على واتساب للتحريض ضد الدولة وتم اختراقه
وكشف الإعلامى عمرو أديب، عن تسريبات من أحد جروبات "واتساب" التابعة لتنظيم جماعة الإخوان الإرهابية، يحمل اسم "الحشد 3.. الحركة الشعبية المصرية".
وقال أديب خلال برنامجه "الحكاية" إن عناصر جماعة الإخوان الهاربين فى تركيا، أنشأوا هذا الجروب للتحريض والتظاهر ضد الدولة المصرية، مؤكدا أن هذا الجروب تم اختراقه مثلما اخترقت جروبات سابقة.
وكشف أديب، أن أحد أعضاء هذه الجروب هو شخص يدعى أحمد مصطفى، ويريد إرسال محادثات بين أعضاء التنظيم، طالبا من المصريين الإرسال إلى "واتساب مصر".
