عمرو أديب بعد التسريب الصوتى لـ عبدالله الشريف: هتعملوا أيه فى عنتيل الدوحة يا قطر

علق الإعلامى عمرو أديب بعد مرور 24 ساعة على نشر تسجيلات صوتية لفتاة تفضح الإخوانى الهارب عبد الله الشريف، قائلا: "بعد 24 ساعة محدش استجرى يقولى أنت كذاب هناك فى صمت بقطر.. ولكن بس اللى حصل دلوقتى ابتدى البعض يتحدثوا عن الموضوع على أنه مسالة أخلاقية وعاوزين يغيروا الموضوع.. وأصل الموضوع ملخص بفيديو على اليوم السابع.. ونحن ننظر إلى الوطنية الساسية.. واحتقاره للشعب المصرى وقطر إللى مقوياه وخيانته للأمانة كل هذه الأشياء وكمان بيقول على قطر أنها فاسدة".

وأضاف، خلال برنامجه الحكاية المذاع على قناة أم بى سى مصر: "عملو هاشتاج ونكدوا على أهلو.. وعلى فكرة أخونا وشبابا الحر فى قطر أنتوا أحرار يبقى عايش سداح مداح أنتوا أحرار فيه، إنما طبعا محدش قدر يتكلم على الشق الوطنى السياسى.. وقطر تسمح بكل شيء ولا بتحاسب ولا ليا دعوى.. وعاوز أرجع تانى وأقول أن الناس دى كذابة وبتخون الأمانة وعلم المخابرات القطرية ومش بتعمل حاجة".

وتابع: "وبقول لحضراتكم الدنيا مقلوبة في قطر والأمن اللى موجود فى قطر بيكلم عبد الله.. يعنى فيه نكد معمول عليه واللى معاه.. وبيفكروا يحل الموضوع إزاى هنقول محصلشى.. مش نافع أى حاجة.. وبعد يومين هيطلع يقول إيه في الفيديو اللى بينشره كل أربع.. هتعملوا أيه في عنتيل الدوحة".