قال الموسيقار هاني مهنا، إن ابنته اعتذرت له، بسبب دعوتها لعمر كمال وحسن شاكوش وحمو بيكا، لأنها كانت تعلم أنه سيرفض.
وحول تشاور ابنته هنادي معه بشأن نشرها فيديو تؤكد فيها أنها من قامت بدعوتهم قال الموسيقار هاني مهنا في تصريحات لتليفزيون اليوم السابع، أنها نشرته أثناء وجودها في المطار قبل السفر، وقالت له: "أنت يابابا قسيت عليهم قسيت عيلهم شوية".
وتابع قائلا: أنا ماليش تحفظ على عمر كمال وحسن شاكوش، وكل اللى اتحفظت عليه ان حمو بيكا صدرت منه أفعال وألفاظ لا تليق تماما بالفن داخل النقابة.
وتابع هاني مهنا قائلا:" أنا في بداية تصريحاتي قولت أنا مش بخاف من بيان النقابة، وحصلت مزايدة، يعنى إيه أساعد في تحقير النقابة وأنا نقابي قبل منهم مينفعش، مينفعش نزايد على بعض، وأنا قولت بس كانوا يرجعولى، لو عرف هاني شاكر أن أننا مكنش عندى خليفه بالموضوع ده خالص وكان تصرف من هنادي وأحمد كان خلاص ده فرحها واتصرفت أنا مش هطلع اضربها على المسرح وأقولها انتى جيبتي دول ليه.
