قال المطرب الشعبى محمود الليثى، "أنا كنت عضو منتسب وفى عام 2014، قالولى إنه فى لجنة عضو عامل موجودة في قاعة سيد درويش في الهرم، وكل الناس قالتلى روح وادخل الاختبارات وإن شاء الله هتنجح لأنك بتعرف تغنى كويس".
وأضاف الليثى خلال استضافته في "تليفزيون اليوم السابع"، روحت لقيت اللجنة مكونة من قمة من النجوم منهم عمار الشريعى وإيمان البحر درويش كان هو النقيب وقتها ومصطفى كامل وهشام عباس في نقابة المهن الموسيقية، وبعد ما دخلت اللجنة لقيتهم بيقولولى أنت جاى ليه فقلتلهم عشان أختبر عضو عامل.
وتابع، المهم الأستاذ عمار الشريعى قالهم خلوه يغنى يا جدعان ونسمعه وقالى غنى يابنى، وراح مصطفى كامل قالهم خلى الليثى يغنى (الأنبياء)، وبعدما غنتها قلتلهم أغنى جزء من أغنية (مال الهوى ياما) للمطربة الراحلة صباح، وبعد ما سمعها عمار الشريعى راح قايل للفنان إيمان البحر درويش اطرده اطرده انت نجحت يابنى، ففرحت جدا وقلتله ربنا يخليك ومشيت".
تم أضافة تعليقك سوف يظهر بعد المراجعة