قال الموسيقار هاني مهنا، إنه في بداية تصريحاته قال إنه لا يخاف من بيان النقابة، وتابع قائلا:"حصلت مزايدة، يعنى إيه أساعد في تحقير النقابة وأنا نقابي قبل منهم مينفعش نزايد على بعض، وأنا قولت بس كانوا يرجعولى، لو عرف هاني شاكر أن أنا مكنش عندى خليفه بالموضوع ده خالص وكان تصرف من هنادي وأحمد كان خلاص ده فرحها واتصرفت أنا مش هطلع اضربها على المسرح واقولها انتى جيبتي دول ليه".
وتابع هاني مهنا فى تصريحات لتليفزيون اليوم السابع، قائلا:"مفيش أي حرج من عمر كمال وحسن شاكوش، يشرفونى في أي وقت يجيو البيت عندى يغنوا، وأنا كل اللى أحرجني وكل الناس أضايقت منه إنه لسه مصفاش موقفه مع النقابة وطلع يغني وواخد سنتين حكم".
وحول ما إذا جاء مطلب منه حمو بيكا سماعه وتوجيه النصيحة له، قال هانى مهنا:" مش هسمعه إلا لما يخلص موضوعه مع النقابة، وأهم حاجة في الفنان أنه يحافظ على ألفاظه، والفنان لازم يكون قدوة.
وحول تقيمه لصوت حمو بيكا، قال هاني مهنا: "حمو بيكا معندهوش صوت بصراحة، حتى مش مؤدى، ومش قادر أدرجه فى حته معينه، وبالنسبة لشاكوش وعمر كمال يغنوا.
