أحمد السقا: أنا ابن التليفزيون ومقدرش اتأخر عنه وكان محطتى للعمل بالسينما.. فيديو

قال الفنان أحمد السقا، إنه ابن ماسبيرو ولا يمكن أن يتأخر يوما عنه، مضيفا: "شرف كبير التواجد فى مبنى التليفزيون المصرى".

وأضاف السقا خلال لقائه مع الإعلامية ناردين فرج، ببرنامج "التاسعة" على القناة الأولى المصرية: "مبسوط إنى موجود هنا النهاردة وبسترجع كل ذكرياتى التى بدأت من هنا، بقالى فترة ما دخلتش التليفزيون المصرى، أنا بدايتى كانت من هنا، أنا عشت شوية فى التليفزيون المصرى، وهو كان محطتى للعمل بالسينما، وهو المحطة الكبيرة التى جعلتنى أقف أمامك هنا".

وتابع السقا قائلا: "أول مرة أجى ماسبيرو ما دخلتش لأن الدخول كان بتصاريح، وكانت بحاول هنا وهنا علشان أدخل، والمخرج جمال عبد الحميد صاحب الفضل عليا، جابنى فى "ألف ليلة وليلة" و"علي يا علي يا عترة يا فللي"، وكنت بلعب دور ابن ملك الجان، وكانت أول خطوة ليا كنت لسه طالب في الجامعة، وبعد عرض أول حلقة كنت مستنى الناس تعرفنى، واكتشفت إن أمى ما عرفتنيش، أنا أخذت كل الإجراءات لحد ما ربنا كرمنى واشتغلت في قطاع الإنتاج، وآخر مرة دخلت المبنى من حوالى أقل من 14 سنة".