مختار نوح لـ خالد أبو بكر: لا أتابع المحاماة وأتمنى عودتها كما كانت فى عهد "الخواجة"

أكد مختار نوح، المحامي بالنقض، أنه لا يتابع وضع المحاماة في مصر، وعلق قائلا: "أنا مبقتش أتابع المحاماة في مصر من بعد النقيب رحمة الله عليه أحمد الخواجة، لأني بقيت أشوف حاجات زي الخناقات والمشاكل اللي بتحصل".

وأضاف نوح، خلال لقائه خالد أبو بكر ببرنامج "كل يوم" الذي يذاع على قناة on: "أنا فاكر آخر مشروعات عملها أحمد الخواجة قبل ما يتوفى، مشروعات زي الأتوبيسات وخدمات كتيرة قدمها للنقابة وللمحامين والأعضاء، لكن دلوقتي كل اللي بلاقيه هو الخناق والمشاكل، وربنا يديني العمر وأشوف محاماة في مصر من تاني".

وقال: "المفروض يتعمل مادة في القانون وتشريع صريح لتعريف وضع المحامي بالظبط، تعرف الناس وفقا للقانون إيه هو المحامي".

وأضاف مختار نوح: "مفيش حاجة اسمها اختفاء قصري، والاختفاء القصري ده له شروط، وأنا في مجلس حقوق الإنسان قدرت أثبت أن 80% من إدعاءات الاختفاء القصري ملفقة وغير صحيحة".