شيف بالغردقة يصنع بيتزا بصورة سيدة القطار شكرا وتقديرا لها.. صور

صنع الشيف خالد عبد الفتاح، احد الشيفات العاملين باحد فنادق الغردقة، بيتزا عليها صورة السيدة صفية أبو العزم، سيدة القطار، تقديرا لها وشكرا على ما قدمته مع المجند فى القطار واصرارها على دفع ثمن التذكرة لها .

وقال الشيف خالد عبد الفتاح، انه قام بصنع البيتزا وعليها صورة سيدة القطار تقديرا وشكرا وعرفان على أصالة السيدة المصرية والتى يذكرها الرئيس دائما فى مؤتمراته بان الست المصرية لها كل التقدير والاحترام .

وكانت قالت سيدة القطار لتلفزيون اليوم السابع: أنا كنت قاعدة فى الكرسى اللى فى ضهر العسكرى، والكمسرى كان جاى من ورايا واللى لفت نظرى للموقف هو أن الكمسرى كان بيزعق للعسكرى وقال الحوار اللى حصل ومصمم أنه ينزله والعسكرى كان لابس كمامة فمعظم كلامه مش واضح، فالكمسرى قاله شيل النجوم اللى على كتفك دى تقريبا ليكونوا مفهمينك هناك حاجة.. ومصمم أنه ينزله .. فالعسكرى قاله أنا هنزل".

واستكملت السيدة صفية رواية كواليس الواقعة قائلة: "فهمت أن الاختلاف على قيمة التذكرى الـ22 جنيه، والعسكرى كان نازل معاه .. لأن كلام الكمسرى كان جارح أيا كان لو عندك حق اطلب حقك بأسلوب كويس .. فانت كده ضيعت حقك .. وأنا كأم وعندى 3 ولاد فتخيلت ابنى فى يوم مكانه.. فقمت وصممت أنه مينزلش .. وهو كان مصمم ينزل وهو إنسان محترم ومؤدب .. وكان رافض انى أدفعله وقطع الفلوس غصب عنه وهو بيرجعهالى .. والكمسرى قاله اديك قطعتها فقولتله فداه وطلعت فلوس غيرها ودفعت وهو كان مصمم أنه مدفعلوش.. وبعدها فضلت أعيط عياط كتير والعسكرى كان بيطبطب عليا .. هو صعب عليا وانا اللى يهين ولادى أكله بسنانى".