وجه حازم إمام نجم الزمالك ومنتخب مصر الأسبق رسالة دعم لمصطفى شوبير حارس الأهلى الصاعد قبل أول ظهور له بشكل رسمى فى عرين المارد الأحمر ، وقال الثعلب الصغير فى برنامجه وان تو عبر إذاعة أون سبورت إف إم :" ربنا معاك يامصطفى النهارده..حمل كبير يابنى والله..بجد الله يكون فى عونك ، أنا بحمد ربنا أنى ملعبتش فى زمن السويشال ميديا ، كان هيستلمونى ويقولوا عليا أبناء عاملين مع أى غلطة".
وتابع حازم إمام :"دايما بتعاطف مع أبناء النجوم زى مصطفى شوبير وسيف فاروق جعفر وغيرهم ، بجد مشكلة كبيرة أن يكون أبوك نجم والناس تصفى حساباتها مع أبوك على حسابك ".
وأكمل الثعلب الصغير:" لما كنت بلعب واجهت مدربين رفضوا إشراكى فى المباريات لان والدى كان مدير كرة وكان علاقتهم وحشة بيه ، وعشان كدا مكنوش بيحبونى ، فياريت ياجماعة حاسبوا اللاعب على اداؤه فى الملعب بعيداً عن أبوه مين".
ويضيف حازم إمام :"مصطفى شوبير أنهارده يلعب نقيمه بمجهوده ولازم نديه فرصة عشان دا حارس صغير محتاج خبرة وثقة ودعم من الجمهور ، ياريت بشويش يا أهل السويشال ميديا عليه ، وبلاش نحاسبه عشان ابوه شوبير ، وتانى بقول الحمد لله ان ربنا نجانى من عصر السويشال ميديا".
تم أضافة تعليقك سوف يظهر بعد المراجعة