قالت الفنانة شيماء سيف، أنا بعمل مسرحية جديدة كوميدى غنائى استعراضى، بس لسه واقعة على المسرح من كام يوم، والحمد لله الجمهور افتكر أنه من ضمن عرض المسرحية وربنا ستر وعدى.
وعن غيابها عن حضور مهرجان الجونة، قالت شيماء سيف خلال لقائها فى برنامج "الدوبلكس" تقديم أبلة فاهيتا، المذاع على قناة ON، إحنا بنعمل مهرجان أنا ودنيا وإيمى سمير غانم فى البيت، وبمسك مايك وبتريق على كل حد داخل على السجادة الحمراء، ومسمياه مهرجان النقد الدولى.
وعن سبب تسميتها شيماء، قالت: أنا اتولدت فى عيد الأضحى، ووقتها كان فيه فيلم الشيماء فى التليفزيون فراحوا مسمينّى بالاسم ده، وإخواتى برضه اتسموا بسبب حاجات فى التليفزيون.
وأضافت: أنا أول مرة حبيت كان حد اسمه إبراهيم، وكان جارنا ووقتها كان فى ابتدائى وساكنين فى نفس الشارع، وكنا مقضيناها نظرات، وكنت بجيب المشابك وأكتب عليها أغانى وأحدفها عليه أول ما يعدى، وأمى كانت بتدور على المشابك وتسأل بتروح فين.
وتابعت: جه إبراهيم في مرة وأتجرأ أخيرا وقرر يصارحنى وكتبلى جواب وجه يديهونى فصاحبتى اللى معايا قالتلى ايه ده انتى هتفتحى الجواب هاتبقى بنت قليلة الأدب فروحت مقطاعه ورميته فى وشه.
واستكملت، بعد كده حبيت مستر رأفت، مدرس العلوم، ورغم إنه كان شبه زكية زكريا، وخبطت على باب الفصل وقلتله أنا بحبك، فقالى انتى لسه صغيرة وقدامك الطريق طويل، وبعد كده حبيت حماقى لغاية لما جه كارتر جوزى.
![14a1887a-4401-4a1b-988c-55d97bdd567d 14a1887a-4401-4a1b-988c-55d97bdd567d](https://img.youm7.com/ArticleImgs/2021/1/15/172604-14a1887a-4401-4a1b-988c-55d97bdd567d.jpg)
![01beb7e9-c4f6-46ed-be3a-18cdf1ea8fbe 01beb7e9-c4f6-46ed-be3a-18cdf1ea8fbe](https://img.youm7.com/ArticleImgs/2021/1/15/148327-01beb7e9-c4f6-46ed-be3a-18cdf1ea8fbe.jpg)
![1521de3b-fb3c-44db-9b70-64c0a2915da2 1521de3b-fb3c-44db-9b70-64c0a2915da2](https://img.youm7.com/ArticleImgs/2021/1/15/122173-1521de3b-fb3c-44db-9b70-64c0a2915da2.jpg)
![c62b43c1-febd-46ec-93aa-d3911dfced21 c62b43c1-febd-46ec-93aa-d3911dfced21](https://img.youm7.com/ArticleImgs/2021/1/15/147720-c62b43c1-febd-46ec-93aa-d3911dfced21.jpg)
![d2c1d959-3b99-42a8-a6c7-e6afe7fcda5f d2c1d959-3b99-42a8-a6c7-e6afe7fcda5f](https://img.youm7.com/ArticleImgs/2021/1/15/153865-d2c1d959-3b99-42a8-a6c7-e6afe7fcda5f.jpg)
![89eb30c2-5021-41da-bdc3-893cf38679f8 89eb30c2-5021-41da-bdc3-893cf38679f8](https://img.youm7.com/ArticleImgs/2021/1/15/155227-89eb30c2-5021-41da-bdc3-893cf38679f8.jpg)
![08745625-1008-4076-845c-e984d6f02c34 08745625-1008-4076-845c-e984d6f02c34](https://img.youm7.com/ArticleImgs/2021/1/15/153525-08745625-1008-4076-845c-e984d6f02c34.jpg)
وفى سياق آخر تنتظر شيماء سيف عرض مسلسلها الجديد "في بيتنا روبوت" على قناة CBC خلال الأيام المقبلة، والذى تخوض بالعمل أولى بطولاتها المطلقة في عالم الدراما التليفزيونية، حيث طرحت شركتا سينرجي وروزناما، منتجتا العمل، البرومو الرسمي، والذى كشف عن العديد من المفاجآت للجمهور، أبرزها ظهور شيماء سيف صلعاء تماما.
المسلسل بطولة شيماء سيف وعمرو وهبة وليلى زاهر وهشام جمال ودلال عبد العزيز، وهو من تأليف أحمد محيى وأحمد المحمدي، ومن إخراج وليد الحلفاوي، ويظهر فيه عدد من ضيوف الشرف، منهم هشام ماجد وأحمد زاهر ومحمد عبد الرحمن وآخرين.