فتاة جامعية إسكندرانية، يعرفها كل سكان مدينة دهب مصريين وأجانب، فتاة مرحة وبنت بلد، تخرج من منزلها يوميا بعد صلاة العصر وتحضير الأرز باللبن والفريسكا، إلى ممشى مدينة دهب تتجول بالعجلة .
وتقول رانيا، "أنا بعمل أرز باللبن وفريسكا إسكندراني وببيعها بالعجلة، أنا ببدا يومى إنى بعمل الرز بالليل وأحطه فى التلاجة لتانى يوم وببيع الحاجة اللى بعملها فى الفترة من الساعة 9 لحد الساعة 12".
وأوضحت، "بعد كورونا قعدت فى البيت وفكرت وقتها أعمل حاجة بالعجلة بتاعتى واقترحت على أخويا الفكرة وقالى فكرة حلوة وهو اللى قالى اكتبى على العجلة بنوتة إسكندرانية".
وتابعت، "أنا بوصل اوردرات للفنادق والعملاء بتوعى عن طريق الواتس اب، والأجانب بوصلهم دليفري وبتكلم اكتر من لغة علشان اعرف ابيع للأجانب، والفريسكا والكنافة بالمانجا أساس الإسكندراني".
وأردفت، "أنا حلمى أفتح محل كبير وأسميه بنوته إسكندرانية، ومفيش حاجة اسمها مستحيل، المهم إننا نفكر خارج الصندوق".
