وتحسبونه هينا وهو عند الله عظيم.. عم نبوى شاف الرسول "ص" وحقق أمنيته.. واقف هو وزوجته ٨٠ سنة على عربية لحمة وبيأكلوا عباد الله الشقيانيين لوجه الله.. حكاية عم نبوى هتغير مسار حياتك
على عربيه خشب في احد أزقةذش شوارع القاهره التاريخيه وتحديد في منطقه الجماليه، يقف عم نبوي وزوجته البالغين من العمر 80 عاما بجوار منزلهم امام عربه صغيره لبيع الطعام للعمال الشقيانين من أهل المنطقة، رائحة الطعام تجذب المارة من على أول الشارع، وفى حلقة جديدة من برنامج فتحي شو، تقديم محمد فتحى عبد الغفار نقدم لكم سيرة عن نبوى وزوجته أسعد زوجين فى مصر .
ويقول عم نبوى، " انا اتولدت في مصر بس ابويا وامي من الشوام واصلي من سوريا واستقريت فيها واتجوزت منها وبحب كل الناس، عيشت فيها على الحلوة والمرة، وواقف على العربية ديه بقالى ٤٥ سنة انا ومراتى كتف فى كتف حامدين وشاكرين ربنا على كل حاجة".
وتابع، "انا يوم فى السكة ويوم على الدكة ويوم اقابل رب كريم، الكفن يا ابنى ملوش جيوب ومحدش هياخد حاجة معاه، اللى بيجى هنا معاه بياكل ممعوش برضه بياكل مكسبى مش فلوس مكسبى هو ثواب عند ربنا وده اهم من الفلوس".
واردف،"الفلوس ديه ورق يا ابنى ملوش عازه احنا اللى عملناله سعر وقيمة، انا مخلفتش اولاد وانتوا ولادى، اكيد ربنا مكمرمنيش بالابناء لسبب يعلمه هو، ربنا بيختار لينا الخير دايما واحنا اللى مش عارفين، بس عملت بالاسباب وكشفنا كتير لحد اما العمر جرى بيا ورفضت اتجوز على مراتى".
واستكمل، "انا بعمل انا ومراتى طبق بطاطس وطبق رز وحتة لحمة وسلطة ومخلل للزبون يدفع ١٠ يدفع ١٥ جنيه هو وبراحته، احنا مش محتاجين غير الستر من عند ربنا والشيلة اللى هتودينا عنده لا حلمى ابنى عمارة ولا فلوس انا يا ابنى بخاف من هيبة ربنا سبحانه وتعالى ".
