سابت فرحها عشان تأكل القطة.. صاحبة الصورة الشهيرة: لما شفتها نسيت إنى عروسة

الثلاثاء، 30 نوفمبر 2021 03:00 م

تسنيم مصطفى

سما سعيد

اضف تعليقاً واقرأ تعليقات القراء

"الراحمون يرحمهم الله" تعد الرحمة من أسمى الصفات التى يمكن أن يضعها الله فى قلب أحدنا، وحين يغرسها الله فى قلوب الناس فإنهم لا يمدون يد العون والشفقة لإنسان مثلهم فحسب، بل يرحمون الحيوان الضعيف الذى لا حول له ولا قوة، فتجد من يقف بسيارته حتى يعبر كلب صغير الطريق، ومن يؤخر عمله ويأخذ من قوت يومه حتى يُطعم القطط والكلاب الضالة بالشوارع، لكن الغريب أن تجد عروسا فى يوم زفافها مهتمة بإطعام قطة جائعة ظلت تلهث وراءها طوال الفرح فما كان منها إلا أن تركت الفرح والعريس والمعازيم وأخذت تطعم هذه القطة الضعيفة الجائعة.

عروس تترك فرحها لإطعام قطة:

سرعان ما التقطت للعروس بعض الصور أثناء إطعامها القطة بفستان الزفاف وتمت مشاركتها على صفحات موقع التواصل الاجتماعى، والتى حازت على كثير من الإعجاب والانتشار، فقالت تسنيم مصطفى الجمل وهى طبيبة بيطرية وصاحبة الصور المتداولة فى حديثها لـ"اليوم السابع": "فى نص فرحى لقيت القط الجميل اللى فى الصورة دا جايلى دونًا عن كل الموجودين بيتمسح فيا، طبعا مقدرتش أقاوم نظراته ليا وفى لحظة لقيتنى سبت الفرح وقعدت أأكله وأفصصله اللحمة، ونسيت إنى عروسة وإن دا فرحى كل اللي كان شاغل بالى بس هو إن القط يأكل ويشبع".

الحيوانات تشعر بالفعل بحب البشر لهم ومشاعرهم الودودة لهم وفقا لما أكدته دكتورة تسنيم: "هم اللى بيلاقونى ودايما بيقعوا فى طريقى، وبحس كإن ربنا بيبعتهملى مخصوص، أما عن حبها البالغ للحيوانات فقالت: "بجد فعلًا مفيش حد بينسينى الدنيا كلها وبيخلينى فى عالم تانى زيهم"، عملها كطبيبة بيطرية لم يأتى صدفة، حبها لـ الحيوانات الأليفة جعلها تمارس عملها بحب وتفاني بشكل كبير.

وأنهت حديثها بتوجيه رسالة ونصيحة خاصة لكل شخص عند التعامل مع الحيوانات قائلة: "لو جالك قط يتمسح فيك اعرف إنه اختارك انت بالذات عشان حس برحمة فى قلبك، للسبب دا بلاش تكسر قلبه، بلاش تزقه أو تمشى وتسيبه حتى لو معكش أكل تديهوله ساعتها افتكر إن عندك حب وعطف تديهمله، امسح على راسه وطمنه وحسسه إن الدنيا لسه فيها خير، لإن هم كمان زينا محتاجين يحسوا بالأمان والرحمة والحب، محتاجين رحمتنا عشان يعيشوا".