أحمد العوضى: ذاكرة ياسمين سمكة.. وبتعمل كوباية شاى حلوة جدا

قال الفنان أحمد العوضى: "ياسمين عبد العزيز بتعمل كوباية شاى غريبة حلوة جدا"، متابعا: "ذاكرتها ذاكرة السمكة، وبعد محنتها المرضية ذاكرتها راحت خالص".

وحكى أحمد العوضى، خلال لقائه ببرنامج معكم، المذاع على قناة سى بى سى، مع الإعلامية منى الشاذلى، موقفا مع ياسمين عبد العزيز قائلا: "جاء يوم دارت خناقة وكنت في الأول ومش عارف الدماغ رايحة فين، ودخلنا ننام وفيه مسابقة بين النوم والاستيقاظ وما تنام عليه تصحى عليه".

وتابع أحمد العوضى: "نايمين متخانقين فصحتها وقولتلها متزعليش حقك عليا كوباية شاى حلوة بقى، وعملت كوباية الشاي واتفرجت على التليفزيون، صحيت لقيت أبويا مكلمنى 12 مرة وصحيت ملقتش ياسمين في البيت قولت أكيد بتصور في اللى مالوش كبير، وأبى قال لى تعالى دلوقتى حالا وكلمته سيف، وأخدت العربية وروحت وكلمت ياسمين لم ترد".

وقال العوضى: "روحت لقيت ياسمين عبد العزيز تفتحلى ورافعة حاجبها ولقيتها اشتكت لأبويا وهو بيحبها جدا وأبويا يتساءل إزاى زعلك ويقولي اطلع برة، وهغضب عليك لو زعلتها تانى فسألتها مش أنا صالحتك فقالت لى مش فاكرة حاجة".