بشكل متميز وفريد أبدعت "روزه طالب" الفتاة العشرينية في تنفيذ لوحات عن طريق الرسم بالمسامير البارزة وتشبيك الخيوط من خلالها، بالرغم من تخرجها فى كلية الآداب جامعة القاهرة وهو المجال البعيد عن الفن حيث درست اللغة الإنجليزية، لكنها أرادت فعل ما تحب بالطريقة التي تتميز بها.
رسم بالمسامير
فقالت روزه في حديثها لـ"اليوم السابع"، إنها احترفت عمل وتصميم التابلوهات المصنوعة من المسامير والخيوط المداخلة والمتشابكة منذ 4 سنوات، وتابعت: "الفن الخيطى أو String art ده اسم نوع لوحاتى الفني، واللي بيتكون من تابلوهات خشب متكونه من المسامير والخيوط وممكن ارسم أشخاص أو اسامي أو لوجو أو رموز"، وأضافت: " الاسترينج ارت حسيته حاجة جديدة ومختلفة ومش منتشرة كفن وهقدر احقق فيه طموحي وحلمي واتفوق فيه جدا، فبدأت اتعلم واطور من نفسي فيه وأتابع كل جديد عن نوع الفن ده"
إحدى لوحات روزه
وعن الصعوبات التي واجهتها حيث قالت: "واجهت صعوبات كتير جدا، ومازال المجهود البدني والبحث عن الخامات وتطوير الشغل نفسه متعب، لكن في النتيجة بصل للرضا في النهاية"، واردفت: "كانت اجمل لحظاتي لما بتغلب على مشكلة او حاجه صعبة بحس بانتصار، وأخطط للمستقبل بأني اكبر هذا الفن وميقتصرش على التابلوهات الخشبية وبس، لكن أقدر ادخل فيها خامات تانية مختلفة وصعبة، وهاخد السترينج ارت لمكان مختلف تماماً عليه بصمتي"
أحد تصميمات روزه
ونصحت روزه الشباب ممن في مثل عمرها أن يقوموا بالاستغلال الأمثل لوقتهم خاصة وقت الفراغ، وتابعت: "كل واحد فينا جواه موهبة لو استغلها صح هتغير حياته، واكيد للأفضل لانه هيعمل حاجه بيحبها واكيد هيبقى مبدع فيها جدا".
روزة بجانب اعمالها
