أطرف تعليقات الأمهات بعد بنج الولادة.. فين الميكب وطمنونى خسيت ولا لأ

رغم ما تعانيه الأم خلال فترة الحمل والولادة، إلا أن اللحظة التي تخرج فيها من غرفة العمليات محتضنة طفلها تكون لها طابعًا مميزًا لديها ولدى أسرتها بشكل خاص، فيتذكر بعضهم لحظات مليئة بمشاعر الأمومة، والبعض الآخر يمتلك ذكريات كوميدية إلى حد ما بسبب فترة الإفاقة من التخدير التي يجعل بعض الأمهات يتحدثن بكلمات تبدو غير منطقية قليلًا، وإليكم أطرف مواقف الأمهات أثناء الإفاقة من التخدير بعد الولادة.

"الدكتور موتني يا ماما وقصني من النص" تلك كانت أول جملة تقولها "إسراء" بعد الولادة مباشرة، تلك التي حكت عنها قائلة: "كنت والدة قيصري وبفوق من البنج وتعبانة جدًا، بس مكنتش مستوعبة لسة إيه اللي بيحصل حواليا، قعدت أقولهم كدا وكل اللي واقفين ماتوا من الضحك."

الولادة

لأن الاهتمام بالجمال جزء من شخصية المرأة مهما كان عمرها، سيطر على "ولاء" التفكير في شكلها بعد خروجها من غرفة العمليات، وظلت تسأل من حولها: "محطيتوليش مانيكير وميكب ليه؟"، وبررت ذلك قائلة: "كنت بشوف فيديوهات الأمهات فيها بيكونوا رايحين عاملين ميكب وحاطين مانيكير وكنت فاكرة إني هخرج زيهم."

ذكريات الولادة

"محدش يعرف رجلي فين؟" سؤال طرحته "رضوى" على كل ما قابلته بعد الولادة بسبب التخدير، الأمر الذي دفع الجميع للضحك، وحكت الموقف قائلة" :كنت كل ما أشوف حد أقوله محدش يعرف رجلي فين، ولما جوزي شاورلي على رجلي، قلتله لأ دي أنا مش حاسة بيها دي رجلك أنت، أنا عاوزة رجلي."

تقول "أمنية": "الولادة الأولى كنت عمالة أقول هاتولي بنتي هي فين.. حلوة ولا إيه عايزة أشوفها، ولما شفتها مسكت إيديها وقعدت أبص فيها وأنا متخيلة إن دا وشها، وقلت الله دي جميلة أوي، خالو كان قاعد قالي طب أسيبك انا بقي وأروح عشان انتي كده بتخرفي."

لحظات ما بعد الولادة

أما "سارة" فيبدو أن زيادة وزنها أثناء فترة الولادة أثرت عليها نفسيًا بشكل ملحوظ فأول ما قالته أثناء الإفاقة من التخدير هو: "طمنوني خسيت ولا لأ؟"، وعن ذلك قالت ضاحكة: "كنت زايدة 20 كيلو، وكل ما أبص للمراية أقول لنفسي أول ما أولد هخس وأرجع رشيقة تاني، وقريبًا دا السبب اللي خلاني أسأل السؤال دا أول ما فقت."

لحظة الولادة

وأخيرًا تحكي "ندى" موقف خروج أختها من غرفة العمليات، قائلة: "أختي فضلت تقول رجلي فين، ونقولها موجودة بس البنج لسة مفعوله موجود عشان كده مش حاسة بيها، قالتلنا طب وريهالي عايزة أشوف رجلي، أختي رفعتلها الكوفرته قالتلها أهي موجودة، فضلت تقول لأ دي ملزوقة احلفوا أنها موجودة."