بالألم والدموع ودع مركز سمنود التابع لمحافظة الغربية الطفل نور الدين صاحب الوجه البشوش والأخلاق الحسنة التى عرف بها فى قريته، فلم يتأخر يوما عن تقديم يد العون لكل من طلب منه المساعدة من كبار السن وأيضا صغاره، حتى جاء اليوم الذى توفى فيه إثر حادث سيارة أليم على الطريق السريع وهو يوزع التمر على الصائمين فى شهر رمضان الكريم وقبل دقائق من الإفطار.
هبت القرية وهرعوا لانقاذ نور الدين فى المستشفى ولكن لكل أجل كتاب، اختاره الله عز وجل ليكون معه، وتقول الأم المكلومة،"كنت حاسة إن ابنى هيموت خاصة أنه كان تقى جدا ومكنش بيفارقني لحظة، أنا سميته نور وهو كان فعلا نور من عند المولى عز وجل ".
وتابعت، "كل يوم الصبح بقول أبص من الشباك علشان أصبح عليه لأنه توفى أمام المنزل ولحد دلوقتى مروحتلوش المقابر، خايفة من اللحظة ديه وبحمد ربنا انى مشفتوش وهو فى الكفن مش عارفه كان ممكن يحصل ايه، آخر مرة شوفته فيها كانت باللبس اللى لبستهوله".
ونوهت، "ابنى وصل المستشفى نزف من انفه وعرفت إنه اتوفى بقيت ببوس فى ايده ورجله، لأنى كنت عارفه انه هيموت، مات موته حلوة، مات وهو بيوزع التمر على الصائمين وقت الفطار، ابنى إن شاء الله فى الجنة مع الصالحين".
