إنجى المقدم عن دورها بـ"الاختيار 2" و"هجمة مرتدة": الشخصيتان عكس بعض وتحديت نفسى

كشفت الفنانة إنجى المقدم، عن أول عمل درامى تقدم لها لتقديمه خلال موسم رمضان الماضى، قائلة: "أول ورق جالى هو شخصية ناظلى فى هجمة مرتدة، وبعد كده المخرج الكبير بيتر ميمى رشحنى فى دور نادية بمسلسل الاختيار 2.. وأن الشخصيتين عكس بعض وقررت عمل الدورين وتحديت نفسى، وذاكرت كل شخصية عن الأخرى، ودا اللي بيسهل عليا التمثيل".

وعن دور زوجها فى تحمل الشخصيتين، قالت خلال حوارها مع الإعلامى يوسف الحسينى عبر برنامجه التاسعة المذاع على قناة الأولى المصري: "برجع كل يوم بعد التصوير بحالة فبيستحمل، وبرجع بحكى له التفاصيل وبقول له حسيت أن أنا عكيت.. مش فى كل الأدوار بتأثار عليا حالة الشخصية اللى بمثلها، ولكن هى حالة معينة فى فترة تصوير مشاهد صعبة، ولكننى بعرف أفصل شخصيتى الحقيقية عن التمثيل".

وعن العمل مع الفنان كريم عبد العزيز، قالت: "الشغل مع كريم عبدالعزيز متعة كارزمة شطارة وخبرة وتعاون والتزام ونموذج بيشتغل سنين.. وعلى الهادى وسلس وعينه بتتكلم ومش بيعصر حاجة ولذيذ ورايق.. وعنده ميزة رهيبة وأنت بتمثل قدامه طبيعى وبسيط.. وهو سهل ممتع بجد.. ولما بشوفه على الشاشة مش أى حد يعمل كده".