قال والد الشهيد مجند أيمن إبراهيم أبو ناصر، إنه بعد تكريمه من الرئيس السيسى خلال احنفالية عيد الشرطة الـ70، فإنه يشعر بالسعادة الشديدة بمقابلة الرئيس السيسى، معقباً: "كلمته وقعد يطلب منى إذا كنت محتاج أى خدمة هو ينفذهالى أو محتاج أى حاجة أقولها".
وأضاف خلال مداخلة هاتفية مع برنامج "من مصر" المُذاع على فضائية "سى بى سى”، قائلاً: "قولتله ياريس أنا عايزك كويس، وعايز ربنا سبحانه وتعالى يقويكم على اللى بيموتوا فى جيش وشرطة بلادنا.. ويقدركم على إنكوا تاخدوا ثأر هؤلاء الشهداء، وقولتله أن أنا سعيد إنى حضرت فترة رئاسته.. وطبطب عليا وأعطانى الجائزة".
وحكى والد الشهيد على فقدانه ابنه قائلا: "محدش بينول الشهادة غير الناس الجدعان الطيبين اللى ربنا اختارها تقاتل عن وطنها وبلادها.. وأنا سعيد أن ابنى مات شهيد وأتمنى أن أموت نفس الموتة".
